Haftaning payshanba kuni Superliganing 24-turiga start beriladi. Faqat bu safar doimgidek 7 emas, balki 6 ta o‘yin o‘tkaziladi. Chunki “Nasaf” – “Qo‘qon-1912” o‘rtasidagi bahs 15 noyabrga qoldirildi.
Bilasiz, qarshiliklar 5 noyabr kuni Bahraynda OFK Kubogi finalida o‘ynaydi. Shuning uchun qo‘qonliklar dam oladilar. Oldimizda turgan oltita juftlikda ham murosasizlikni kutish mumkin.
Chunki jadvalning yuqori va pastki qismida kurash juda keskin tus olgan. Bu safar sobiq futbolchi, “Oqtepa” klubini boshqargan Alisher Shog‘ulomov jamoalarning imkoniyatlari haqida fikr bildirdi.
4 noyabr (payshanba)
AGMK – “Andijon”
- To‘g‘risi, bu o‘yinni prinsipal bellashuv deb bilaman. Sababi AGMK klubi medallar uchun qattiq kurashyapti. “Andijon” esa Superligada jon saqlab qolish yo‘lida harakat qilyapti. O‘ylaymanki, Olmaliqda yaxshi o‘yin bo‘ladi. Jangovar bahs guvohi bo‘lamiz. Lekin ustunlik AGMK jamoasida deb o‘ylayman. Bu shaxsiy fikrim. Nazarimda, mezbonlar yutsa kerak.
“Bunyodkor” – “Qizilqum”
- Sizga o‘z fikrimni aytsam, “Bunyodkor”ning muxlisi bo‘lib aytgandek tuyulishii mumkin. O‘ylaymanki, hozir ikkala jamoa optimal formada, ayniqsa, “Bunyodkor”. “Qizilqum” jamoasi ham yaxshi tarkibga ega. Tarkibida tajribali o‘yinchilari bor. Ammo bu uchrashuvda “Bunyodkor”ning g‘alabasiga imkoniyat ko‘proq degan bo‘lardim. Chunki klub o‘z maydonida o‘ynaydi. Shu sababdan bu o‘yinda mezbonlar g‘alaba qozonsa kerak. Foiz hisobida 60x40. O‘ylaymanki, katta hisob bo‘lmasa kerak.
5 noyabr (juma)
“Lokomotiv” – “So‘g‘diyona”
- Mana shu o‘yinni turning markaziy uchrashuvi deb aytsa bo‘ladi. Menimcha, “Lokomotiv” jamoasiga ham bu uchrashuv prinsipial ahamiyat kasb etadi. Albatta, “So‘g‘diyona” ham sovrinli o‘rinlar uchun kurashayotgani sababli bor kuchini sarflaydi. Lekin, o‘ylaymanki, “Lokomotiv” bu uchrashuvda g‘alaba qozonsa kerak. O‘yinning Toshkentda o‘tishi ham mezbonlarga ustunlik beradi.
“Navbahor” – “Metallurg”
- “Metallurg” jamoasiga ham bu o‘yin juda muhim, ularga ochkolar kerak va to‘plashi lozim. Klub hozir xavfli hududga tushib qolgan. Ammo bu juftlikda yaqqol favorit “Navbahor” deb bilaman. Sababi, tarkibi yaxshi, o‘yini ham. “Metallurg” jamoasida muammolar bor. “Navbahor”ning murabbiylar shtabida yaxshi mutaxassislar ishlashyapti. Samvel Babayan ham shu yerda. Mening fikrimcha, “Navbahor”ga bunday o‘yinlarni yutish shart. Imkoniyatlar 70x30 bo‘lsa kerak.
6 noyabr (shanba)
“Mash’al” – “Turon”
- Pastki o‘rindagi jamoalar bir-biriga qarshi o‘ynaydi. Uchrashuv Muborakda o‘tkizilsa-da, “Turon” g‘alaba qozonsa kerak, deb o‘ylayman. Chunki ular tarkib jihatidan yaxshiroq. Qolaversa, endi bu jamoani yo‘qotadigan narsasi yo‘q. Ochiq va hujumkor futbol o‘ynasa kerak. Lekin “Turon”da Superligada qolish imkoniyati yo‘q, deb o‘ylayman. Igor Shkvirin imkonlarni o‘zi bilan olib ketdi.
“Paxtakor” – “Surxon”
- Kubok uchrashuvlaridan oldin “Paxtakor”ga bu mashg‘ulotdek o‘yin bo‘lsa kerak. Lekin “Surxon” jamoasiga ochko kerak. Shu sababdan ular bor kuchini berib o‘ynaydi. Ammo termizliklarning g‘alaba uchun imkoniyati juda kam. Nazarimda, “Paxtakor” raqibini yirik hisobda yutadi.
Shuhratbek Jo‘rayev
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on Turkiya Isroil bilan aloqalarini uzganini ma’lum qildi
Immunitetni ko‘tarish uchun 6 ta eng yaxshi vitamin
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Yaponlar qishda uylarini qanday isitadilar?
AQSH va Rossiya Isroil hamda “Hizbulloh” o‘rtasidagi kelishuvda vositachi bo‘ladi
Andijonda Tez tibbiy yordam markazi direktor o‘rinbosari o‘z ishiga tiklandi
Tramp AQSH bosh prokurori lavozimiga kongressmen Gets nomzodini ilgari surdi
