Iste’dodli bokschimiz Otabek Xolmatov professional ringda ketma-ket jang o‘tkazishda davom etmoqda. Professional bokschilik faoliyatini shu yilning avgustida boshlagan hamyurtimiz yettinchi jangini o‘tkazib ulgurdi.
Kolumbiyaning Santyago de Tolu shahridagi “Hostal Camping Yolimar” arenasida tashkil etilgan professional boks kechasida oltita jang bo‘lib o‘tdi. Otabek Xolmatov sakkiz raund etib belgilangan reyting jangida mezbonlar vakili Estevin Xerreraga qarshi ringga chiqdi.
Bungacha katta ringda 11 ta jang o‘tkazgan bokschi hamyurtimizga hech qanday qarshilik ko‘rsata olmadi. Otabek uchinchi raundning ikkinchi daqiqasi boshlangan bir paytda kuchli zarba bilan raqibini sof nokautga tushirdi.
Shu tariqa, Otabek Xolmatov ketma-ket yettinchi jangini ham nokaut bilan o‘z foydasiga hal qildi. Endi hamyurtimiz Kolumbiyadan AQSHga yo‘l oladi. Otabekni 20 noyabr kuni katta jang kutyapti. Bo‘lajak raqib – dominikanlik Xuan Karlos Pena hozirgacha bokschimiz bilan jang qilganlar orasida eng kuchlisi hisoblanadi.
AQSHning Mayami shahridagi “Manual Artime Community Center Theater” arenasida jami 11 ta to‘qnashuv o‘tkaziladi. Otabek o‘n raundli reyting jangida ringga ko‘tariladi.
Bo‘lajak raqib Xuan Karlos Pena professional boksdagi faoliyatini 2009 yilda boshlagan. Shu kunga qadar 32 ta jangda zafar quchgan va to‘rt marotaba mag‘lubiyatga uchragan. Penaning kuchli zarbaga ega ekanini 23 ta bellashuvda raqiblarini nokaut bilan yengganidan bilib olsa bo‘ladi.
Shuningdek, o‘zbekistonlik bokschilar Rossiya va Qozog‘iston mezbonlik qilgan professional boks kechalarida ham ishtirok etdi.
Rossiyada o‘tkazilgan professional boks turnirida Eldor Abduqodirov mezbonlar vakili Mixail Kozletinov bilan raqobatlashdi.
Olti raundga belgilangan reyting jangi atigi ikki daqiqayu 16 soniya davom etdi. O‘zbek bokschisining kuchli zarbasini o‘tkazib yuborgan raqib birinchi marta raund o‘rtalarida nokdaunga uchradi. Oradan bir necha daqiqa o‘tib, yana bir aniq zarbaga dosh berolmagan Kozletinov muddatidan oldin taslim bo‘ldi.
Shu tariqa, Eldor Abduqodirov yettinchi g‘alabasini nishonladi. Ikki yildan beri professional ringda faoliyat ko‘rsatayotgan hamyurtimiz shu janglardan beshtasida muddatidan oldin g‘alabaga erishgan. Uning hisobida bitta mag‘lubiyat ham bor.
Mazkur turnir doirasida olti raundlik reyting jangida ringga ko‘tarilgan bokschimiz Shodilbek Sharobiddinov armanistonlik Radik Grigoryan bilan to‘qnash keldi. Uchrashuvda katta ustunlikka erishgan Grigoryan hamyurtimizni beshinchi raundda taslim qildi.
Yayana bir turnir - Chechenistonda o‘tkazilgan professional janglarda qatnashgan o‘zbekistonlik charm qo‘lqop ustalaridan Muhammadsalim Sotvoldiyev (7-4-2) rossiyalik yengilmas bokschi Shamil Malsagovga sakkiz raundlik jangda ochkolar hisobida imkoniyatni boy berdi.
Rossiyalik Sayxan Bakayevga qarshi to‘rt raundlik jangda qatnashgan Ahmad Mamajonov uchinchi raundda kuchli zarba o‘tkazib yubordi va texnik nokautga uchradi.
Qozog‘istondagi boks musobaqasida Farrux Jo‘rayev navbatdagi reyting jangini o‘tkazdi. Mezbonlar vakili Bekzod Nurdauletov bilan kuch sinashgan tajribali bokschimiz sakkiz raundlik jangda ochkolar hisobida yengildi. Professional ringda bungacha olti marta zafar quchgan bokschimiz shu kuni beshinchi mag‘lubiyatini qabul qilib oldi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Borrel YEIning Isroil bilan muloqotini to‘xtatishni taklif qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Blinken Isroildan uchta muammoni hal etishni talab qildi
Erdo‘g‘on Turkiya Isroil bilan aloqalarini uzganini ma’lum qildi
Sirdaryoda YTH sodir etgan haydovchidan pul olgan YPX xodimi qamaldi
Revanshda g‘alaba qozonish uchun Tayson Fyuriga nima kerak?
