11 038
Lukas Mandines: "O‘zbekistonda jang qilish muammo emas va men kamarni o‘z yurtimga olib ketaman"
Xabaringiz bor, 20 noyabr kuni "Zor TV arena"da U1 promousheni doirasidagi birinchi professional muaytay kechasi tashkil etiladi. Jang kechasining markaziy to‘qnashuvida hamyurtimiz Jahongir "Jojo" Muhammadiy slovakiyalik anchagina jiddiy raqib Lukas Mandines bilan WMC jahon chempionlik kamari uchun ringga ko‘tariladi.
Shuningdek, bir qator qiziqarli to‘qnashuvlar ham o‘rin olgan. Biz ushbu jang avvalidan slovakiyalik muaytay ustasi bilan uchrashib, u bilan qisqacha suxbatda bo‘ldik.
- O‘zbekistonga xush kelibsiz!
- Rahmat.
- Yurtimizga ilk marotaba tashrif buyurishingizmi?
- Ha, birinchi bor Toshkentda bo‘lishim. Yurtingiz juda chiroyli va insonlari mexmondo‘st ekan. Shuningdek, Samarqand, Buxoro, Xiva kabi chiroyli shaharlaringiz borligini ham eshitdim. O‘ylaymanki, bu so‘ngi tashrifim bo‘lmaydi.
- O‘zbekistonda mezbon jangchiga qarshi ringga ko‘tarilish, sizga ortiqcha bosim yuklamaydimi?
- Yo‘q. Men doimo, o‘z yurtimdan tashqarida janglarda ishtirok etganman va bu muammo tug‘diradi, deb o‘ylamayman.
- Umuman olganda erishgan natijalaringiz biz uchun qiziq?
- Slovakiya chempioniman. Ya’ni, 63.5 kg vazn toifasida vatanimda birinchi raqamli muaytaychiman. Yevropa chempioni va xalqaro turnirlarda g‘alaba qozonganman.
- WMC jahon chempionligi uchun jang qilayotgan birinchi slovakiyalik muaytaychimisiz yoki...?
- Yo‘q. Avval hamyurtim Vladimir Moravchik bu chempionlik kamarini qo‘lga kiritgan. O‘ylaymanki, men ham ushbu natijani takrorlayman.
- Raqibingiz Jahongir Muhammadiy haqida qanday fikrdasiz?
- Chempionlik kamari uchun jang qilish darajasiga yetgan ekan, oddiy raqib emas!
- Uning janglarini tomosha qilib, qaysidir ma’noda o‘rgangan bo‘lsangiz kerak?
- Albatta, tomosha qildim. Lekin men barchasini ringda o‘ylayman va qaror chiqaraman. Kuchli jangchilar bilan raqobatga kirishish, menga motivatsiya beradi.
- Demak, jangga ruhiy jihatdan tayyorsiz?
- Albatta. Jangga tayyorman va g‘alaba qozonib, kamarni o‘z yurtimga olib ketaman!
- Bizga vaqt ajratganingizdan minnatdormiz va chiroyli jang ko‘rsatishingizga tilakdoshmiz.
- Rahmat. E’tibor uchun xursandman! “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Erdo‘g‘on Turkiya Isroil bilan aloqalarini uzganini ma’lum qildi
Isroil HAMAS va “Hizbulloh” raketalarini lazer quroli bilan urib tushirmoqchi. U qanday ishlaydi?
Qozog‘istonda yana 1 mlrd dollar noqonuniy aktivlar davlatga qaytarildi
