Bugun Italiya A Seriyasning 13-turida “Roma” jamoasi Genuya shahrida “Jenoa” mehmoni bo‘ladi. Bu o‘yinga muxlisu mutaxassislar e’tiborini tortadigan bir necha jihat bor va ularning ayrimlari Rim klubida o‘ynayotgan Eldor Shomurodovga ham tegishli!
“Jenoa”ga qarshi uchrashuv Eldor Shomurodov uchun alohida ahamiyat kasb etadi. Chunki, legionerimiz kuchli beshlik chempionatlariga qadamni aynan Genuyada qo‘ygan. 2020 yilning oktabrida genuyaliklar “Rostov”dan o‘zbek hujumchisini transfer qilgan va jami hamyurtimizni qo‘lga kiritish uchun 9 million yevro sarflagan.
Eldor aynan “Jenoa” safida to‘p kiritib, kuchli beshlik chempionatlarida gol urgan birinchi va hozircha yagona o‘zbek futbolchisiga aylangan.
Bir so‘z bilan aytganda, “Jenoa” Shomurodov uchun tramplin vazifasini bajardi. Bu klub tarkibida A Seriyada 31 ta o‘yinda 8 ta gol urgan hujumchimiz “Roma”ga o‘tdi. Shuning uchun ham har qanday futbolchi kabi, Eldorga ham sobiq jamoasiga qarshi o‘yin alohida ahamiyat kasb etadi. Genuyalik muxlislarning o‘zbek futbolchisiga mehri va hurmati saqlanib qolgani esa qo‘shimcha hissiyotlar bag‘ishlaydi.
Ushbu uchrashuv har ikki jamoa bosh murabbiylari – Joze Mourino va Andrey Shevchenko uchun ham tarixiy bahs hisoblanadi. O‘z vaqtida, Joze Mourino “Chelsi”ni boshqargan davrda Ukraina futbol yulduzi uning qo‘l ostida to‘p tepgan. Qolaversa, bu bahs Shevchenko uchun bosh murabbiy sifatida A Seriyadagi dastlabki rasmiy uchrashuv hisoblanadi.
Joze Mourino bo‘lajak to‘qnashuv oldidan sobiq shogirdiga o‘zining yo‘lini takrorlashni tiladi. Ya’ni, portugaliyalik mutaxassis o‘zining debyut uchrashuvida mag‘lubiyatga uchragani va keyinchalik qator sovrinlarni yutganini alohida ta’kidladi va “Shevchenko men kabi birinchi uchrashuvni boy berib, keyingi faoliyati davomida ko‘p yutuqlarga erishishini tilayman”, - dedi.
Ayni paytda Italiya nashrlari Toshent vaqti bilan tungi 00:45 da boshlanadigan uchrashuvda Joze Mourino qaysi futbolchilarni boshlang‘ich tarkibda o‘ynatishini taxmin qilib, turli sxemalarni tuzib chiqmoqda.
E’tiborli tomoni shundaki, futbolni yoritishga ixtisoslashgan Italiyaning yettita yetakchi nashridan oltitasi Eldor Shomurodov ilk daqiqalardan maydonda harakat qilishini kutayotganini bildirgan. Bu ko‘p jihatdan avvalgi turda Shomurodov “Venetsiya” darvozasini ishg‘ol qilib, Temmi Abraxamga golli pas oshirgani bilan bog‘liq ekanini alohida ta’kidlash lozim.
Xullas, Italiyaning yetakchi nashrlaridan to‘rttasi - IL MESSAGGERO, LA GAZZETTA DELLO SPORT, CORRIERE DELLA SERA, TUTTOSPORT yetakchi o‘yinchilari jarohat olgan Joze Mourino biroz boshqacha taktika qo‘llashini taxmin qilmoqda. Ularning fikricha, portugaliyalik mutaxassis “Jenoa”ga qarshi 3-4-1-2 sxemasidan foydalanadi. Agar shunday bo‘lsa, tarkib quyidagicha bo‘ladi: Ruy Patrisio; Kumbulla, Manchini, Ibanes; Karsdorp, Veretu, Rellegrini, Al-Shaaravi; Dzanolo; Abraxam, Shomurodov.
IL CORRIERE DELLO SPORT mutaxassislar “Roma” klassik 4-4-2 sxemasini qo‘llashini ta’kidlamoqda va bu holatda uchrashuvni Ruy Patrisio; Karsdorp, Kumbulla, Manchini, Ibanes; Dzanolo, Pellegrini, Veretu, Al-Shaaravi; Abraxam, Shomurodov boshlab beradi.
IL ROMANISTA jurnalistlari ham 4-4-2 sxemasida o‘ynaydigan Mourino biroz boshqacha tarkib shakllantirishini kutmoqda. Ularning fikricha, boshlang‘ich tarkibda quyidagi futbolchilar to‘p tepgani ma’qul – Ruy Patrisio; Karsdorp, Manchini, Smolling, Ibanes; Dzanolo, Veretu; Pellegrini, Al-Shaaravi, Abraxam; Shomurodov.
IL TEMPO nashri Joze Mourino 3-4-2-1 sxemasini o‘zgartirmasligini bildiryapti. Bu holatda, yagona hujumchi vazifasini Temmi Abraxam bajaradi. Faqat mana shu nashr Eldorni boshlang‘ich tarkibda kutmayapti. Ularning variantiga ko‘ra, boshlang‘ich tarkib Ruy Patrisio; Manchini, Smolling, Ibanes; Karsdorp, Darbo, Veretu, El-Shaaravi; Pellegrini, Dzanolo; Abraxamdan iborat bo‘ladi.
Demak, tez orada qaysi nashrning topqirligini bilib olamiz... “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Erdo‘g‘on Turkiya Isroil bilan aloqalarini uzganini ma’lum qildi
Isroil HAMAS va “Hizbulloh” raketalarini lazer quroli bilan urib tushirmoqchi. U qanday ishlaydi?
Qozog‘istonda yana 1 mlrd dollar noqonuniy aktivlar davlatga qaytarildi
