Eldor Shomurodov sobiq jamoasiga qarshi o‘yinda eng past ballga loyiq ko‘rildi

A Seriya 13-turida "Jenoa" hamda "Roma" jamoalari o‘rtasida o‘yin bo‘lib o‘tdi. Mazkur bahsda genuyaliklar raqibiga 0:2 hisobida imkoniyatni boy berdi.

Mashhur "SofaScore" nashri o‘yindan so‘ng futbolchilarga qo‘yilgan ballarni e’lon qildi. Unga ko‘ra, hamyurtimiz Eldor Shomurodov 5.8 ballga loyiq ko‘rildi. Bu mazkur o‘yinda ishtirok etgan barcha futbolchilar ichida eng past balldir.

Eslatib o‘tamiz, legionerimiz ushbu bellashuvda 75 daqiqa harakat qildi va o‘z hisobiga samarali harakat yozdirib qo‘ya olmadi.