21:48 / 24.11.2021
2 315

18 karra jahon chempioni "Paxtakor"ning mashhur futbolchisi haqida so‘z yuritdi...

18 karra jahon chempioni "Paxtakor"ning mashhur futbolchisi haqida so‘z yuritdi...
Xabaringiz bor, 20 noyabr kuni Toshkent shahrida professional muaytay kechasi tashkil etildi. Mazkur jang oqshomida yurtimizning eng ko‘zga ko‘ringan vakillari ringga ko‘tarildi. Kechaning faxriy mexmoni esa, 18 karra jahon chempioni gretsiyalik Mayk Zambidis bo‘ldi. Biz ushbu muaytay olamining tirik afsonasi bilan qisqacha suhbat qurdik.

- O‘zbekistonga xush kelibsiz!
- Rahmat. Yurtingizda ekanligimdan xursandman.

- Nazarimda ilk bor tashrifingiz. Umuman O‘zbekiston xaqida taassurotlar qanday edi?
- Albatta, O‘zbekiston haqida ko‘p eshitganman. Qolaversa, o‘zbekistonlik ko‘p sportchilarni bilaman.

- Qaysi sportchilarimiz?
- To‘g‘risi, hozir ism-shariflari yodimda yo‘q. Muaytay, K-1 yo‘nalishida bir nechta yuqori darajadagi vatandoshlaringizni janglarini kuzatganman.

- Bilasizmi, O‘zbekistonda tavallud topgan ko‘plab greklar keyinchalik Gretsiyaga ko‘chib ketishgan. Ular orasida eng mashhurlaridan biri bizning"Paxtakor" hamda Gretsiya terma jamoasi sobiq futbolchisi Vasilis Xadzipanagis ham bor. U haqida bilsangiz kerak?
- Ha, yonimdagi hamrohim ham (Georgios Skarpotxeos Qo‘qonda tavallud topgan) O‘zbekistonda tug‘ilgan. To‘g‘risi, siz aytgan inson haqida ma’lumotga ega emasman.

- Nahotki, Gretsiyaning eng mashhur futbolchilaridan birini tanimasangiz?
- Ochig‘i futbolchilarni unchalik tanimayman.

- 18 karra jahon chempionisiz, bu faqat muaytay yo‘nalishida erishilgan natijalarmi?
- Yo‘q. K-1 bo‘yicha ham bor.

- Faoliyatingizga e’tibor qaratsak, rossiyalik Batu Xasikov bilan ikki bor to‘qnash kelgansiz va har ikkisida ham mag‘lubiyatga uchragansiz. Ushbu raqibingiz siz uchun juda noqulaymidi?
- Yaxshi jangchi. Albatta, sportda g‘alaba bilan mag‘lubiyat doimo, yonma-yon yuradi.

- Mayk vaqt ajrata olganingizdan xursandmiz. Kelgusi faoliyatingizga omad tilaymiz!
- Rahmat!

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » 18 karra jahon chempioni "Paxtakor"ning mashhur futbolchisi haqida so‘z yuritdi...