"Roma" birinchi o‘rin bilan pley-offga chiqdi

Konferensiyalar ligasi guruh bosqich 6-turidan o‘rin olgan SSKA Sofiya - "Roma" uchrashuvi yakuniga yetdi. Mazkur bahsda rimliklar 3:2 hisobida raqibdan ustun keldi.

"Bo‘rilar" safida Temmi Abraxam dubl qayd etdi. Shuningdek, Mayoral ham raqib darvozasini ishg‘ol etdi. Mezbonlardan esa Chatakovich va Vildsxut o‘z nomini tabloga yozdirib qo‘ydi.

Ushbu g‘alabadan so‘ng Mourino shogirdlari ochkolarini sonini 13 taga yetkazgan holda, o‘z guruhida birinchi o‘rinni qo‘lga kiritdi. 1 ochko to‘plagan sofiyaliklar "C" guruhida so‘nggi o‘rinni band etdi.

SSKA Sofiya – "Roma" 2:3
Gollar: 0:1 – 15 Abraxam, 0:2 – 34 Mayoral, 0:3 – 53 Abraxam, 1:3 – 75 Chatakovich, 2:3 – 90 Vildsxut.
SSKA Sofiya – Buzatto, Galabov, Matey, Lam, Maziku, Von (Chatakovich, 64), Jeferson, Muxar, Yomov (Vildsxut, 46), Be (Kvarema, 90), Kaysedo (Krastev, 63).
"Roma" – Fuzato, Karsdorp, Manchini, Kumbula, Rojer, Vinya, Veretu, Kristante, Bove (Vilyar, 57), Mayoral (Shomurodov, 68), Abraxam (Dzanolo, 67; Darbo, 85).
Ogohlantirishlar: Bove (24), Manchini (32), Von (45), Kumbula (60), Jeferson (71).
“Zamin”ni Telegramʻda oʻqing!