Oktabr oyining o‘rtalarida Saudiya Arabistoni fondi tomonidan xarid qilingan klub tezda barchaning e’tibor markaziga tushdi. Valiahd shahzoda Muhammad Bin Salmonning hisob raqamidagi pullari 320 milliard yevro ekanligini hisobga olsak, "oq-qora"lardan super transferlar kutilishi tabiiy. Shunga qaramay, jamoaning ishlari a’lo darajada emas. 18 turdan so‘ng, 10 ochko jamg‘argan Eddi Xau shogirdlari xavfli zonada bormoqda.
Jamoani yangi darajaga olib chiqish uchun taklif etilgan Amanda Steyvli va Eddi Xau oldida juda murakkab vazifa turibdi. Ular omma e’tiborini tortmaydigan va kelishi bilan tarkibni kuchaytirishga qodir futbolchilarni tanlab olishlari lozim. Aynan shu vazifani bajarish uchun atayin Nik Xammond ishga olindi.
Hozir arab diyoridan kelgan pullar qanday transferlarga sarf qilinishi borasidagi mish-mishlar ko‘payib ketdi. Biz ularning ichidan haqiqatga eng yaqinlari bilan tanishtirib o‘tamiz.
Tripperning qaytishi
Himoyachi transferi juda muhim. Sababi, "Nyukasl" bugungi kunda APL klublari orasida eng ko‘p gol o‘tkazib yuborganlar (41) orasida peshqadamlik qilmoqda. 2020 yilda esa, jamoa umumiy hisobda o‘z darvozasidan 79 gol olib chiqib, "Norvich"ning antirekordini yangilagan edi.
Bu raqamlarni ko‘rgach, himoya chizig‘ini kuchaytirish shart ekanini darrov anglash mumkin. Yozda "Manchester Evening News" bergan ma’lumotlarga qaraganda, Kiran Angliyaga qaytishni istamoqda. U "qizil iblislar" safiga o‘tmoqchi bo‘ldi, ammo bitim o‘xshamay qoldi. "Qizil iblislar" bilan shartnoma imzolashning imkoni bo‘lmagani bilan Kiranni vatanga qaytish hisi tark etmagan. ESPN nashriga ko‘ra, "Atletiko" ham 20 million yevro evaziga inglizni qo‘yib yuborishga tayyor. "Nyukasl" esa, Kiranni klub tarixida eng katta (haftasiga 150 ming funt) maosh oladigan futbolchiga aylanishi mumkin.
Shuningdek, short-listda "Tottenxem" a’zosi Jo Rodon ham mavjud. To‘g‘ri, Rodon joriy mavsumda atigi 6 o‘yinda to‘p tepdi, xolos. Ammo unda Eddi Xau uchun kerakli barcha xislat mavjud. Jarohat olgan Tripperdan farqli o‘laroq, u tezda asosiy tarkibdan o‘rin egallashi mumkin.
Saudiya Arabistoni fondi klub boshqaruvini qo‘liga olgach, jamoaga Levin Kurzava, Samuyel Umtiti singari futbolchilarni kelishi haqidagi gap-so‘zlarga ishonmang! Klub APLda sinovdan o‘tgan kadrlargagina ishonch bildirmoqchi.
Yarim himoya
Ingliz nashrlarining ma’lum qilishicha, klub allaqachon "Manchester Siti" a’zosi, 19 yoshli Koul Palmer borasida taklif yuborgan. Hozircha, "shaharliklar" Koulni qo‘yib yubormoqchi emas. Pep Gvardiola Palmerdan rotatsiyada foydalanmoqchi.
Yana bir amalga oshmagan transfer sifatida "Lion" vakili Lukas Paketani ko‘rsatish mumkin. "Le10Sport" nashri bergan ma’lumotlarga suyanadigan bo‘lsak, Lukasga yiliga 10 million yevro maosh ko‘rsatilgan shartnoma berilgan. Futbolchi esa, Fransiyada o‘zini yaxshi his etayotganini bahona qilib, "Lion"da qolishni afzal ko‘rdi. Insayder Nikola Skira tarqatgan xabarlarga ko‘ra, jamoa short-listida "Sheffild Yunayted"dan Sander Berg ham o‘rin egallagan. Berg APLda to‘p tepish borasida ulkan tajribaga ega ekanligi Xauga qo‘l kelishi mumkin.
Xau hujumni kuchaytirmoqchi, ammo Koutino yoki Dembele bilan emas!
18 tur davomida "oq-qoralar" raqib darvozalarini 18 bor ishg‘ol etishga muvaffaq bo‘ldi. Bu ligadagi eng yomon 5-ko‘rsatkich sanaladi. Kallum Uilson (6) va Allan Sent-Maksimen (3)dan boshqa hech kech kim bittadan ortiq gol urishni uddalay olmagan. Shu bois, "Nyukasl"ning hujumni kuchaytirmoqchi ekanligi bejiz emas.
Xau boshqa murabbiylardan farqli o‘laroq, yulduzli nomlarga muhtojlik sezmayapti. U Usman Dembele va Filippe Koutino variantlaridan bosh tortdi. Ingliz nashrlarining ma’lum qilishicha, murabbiy katta moash oladigan injiq yigitlar bilan kuchli jamoaviy o‘yin qurishni imkoni yo‘q deb hisoblamoqda. "Sky Sports" esa, klub qishdayoq "Zenit"dagi eronlik hujumchi Sardor Azmun klubga taklif qilinishi haqida yozdi. To‘g‘ri, Uilson raqobatda bo‘sh kelmasligi turgan gap, ammo Azmun universal hujumchi. U oldingi chiziqning barcha nuqtalarida to‘p tepishga qodir. Boz ustiga, jarohatdan hech kim sug‘urtalanmagan. O‘tgan mavsumda Kalumning 7 uchrashuvda ishtirok etmagani sal qolsa "Nyukasl"ni Chempionshipga ravona qilib yuborishi mumkin edi.
Kimlar kelishi mumkin
Azmunga alternativ variant sifatida Odion Igalo ko‘rsatilmoqda. Hozirda "Al-Shabab" sharafini himoya qilayotgan hujumchi jon deb APLga qaytishi aniq. "The Athletic" esa, klub 2022 yilda shartnomasi yakunlanishi kutilayotgan 3 futbolchi bilan muzokaralar boshlagani haqida ma’lumot tarqatdi. Aslida, mana shuni haqiqatga yaqin. Hozircha, Xau boshqaruvidagi klub APLda qolish vazifasini to‘liq uddalamadi. Birorta oldiga yuqori maqsadlar qo‘yadigan futbolchi ikki eshik orasidagi jamoa safiga borib qo‘shilishni xohlamaydi. Qishki transferlar chog‘ida Xau o‘z uslubiga mos, sinovdan o‘tgan yigitlarni tarkibga qo‘shib olmoqchi. To‘g‘ri qaror! Har holda, bugungi kunni unutib, kelajak uchun reja tuzishning imkoni yo‘q.
Juda katta pullar kelganiga qaramay, "Nyukasl" rivojlanishning sog‘lom vektorini tanladi. Sizningcha, bu loyiha 4-5 yil ichida "Manchester Siti" darajasiga chiqa oladimi? Fikringizni izohlarda qoldiring! “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
AQSH Isroilning ikki vaziriga sanksiya qo‘llamoqchi
Borrel YEIning Isroil bilan muloqotini to‘xtatishni taklif qildi
Rossiya armiyasi Kupyanskka kirgani aytilmoqda
Erdo‘g‘on Turkiya Isroil bilan aloqalarini uzganini ma’lum qildi
AQSH harbiylari orasida o‘z joniga qasd qilish ko‘paydi
Har qanday katta yoshdagi kishi yetuk emas
Yaxshi pishgan va mazali anor tanlashga yordam beradigan tavsiyalar
