"Yuve"dan uchralgan mag‘lubiyatdan so‘ng "Roma" rahbariyati Mourino bilan uchrashdi

"Roma" rahbariyati so‘nggi paytlarda klubdagi ishlari yurishmayotgan Joze Mourinoni qo‘llab-quvvatlamoqda. "Corriere dello Sport" nashri ma’lumotlariga ko‘ra, kecha "bo‘rilar" rasmiylari va Mourino o‘rtasida uchrashuv bo‘lib o‘tgan.

Klub rahbariyatida Jozening faoliyati bo‘yicha shubha va savollar yo‘q. Jamoa murabbiyning talablarini maksimal darajada qondirishni rejalashtirmoqda. Shuningdek, uning ishini faqat uzoq vaqt davomida baholash mumkin deb hisoblaydi.

Rimliklar ayni paytda A Seriya turnir jadvalida 6-o‘rinni egallab turibdi. Klub 21 turda 9 bor mag‘lub bo‘ldi va 43 yildagi eng yomon natijasi qayd etildi.