Professional bokschi Otabek Xolmatov Top 10 bokschisi bilan jang qiladi

Professional boksning yarim yengil vazn toifasida (57,1 kg) faoliyatini davom ettirayotgan hamyurtimiz Otabek Xolmatov (9-0, 9 KO) navbatdagi jangini 26 mart kuni o‘tkazadi. Amerika Qo‘shma Shtatlari Florida shtatida bo‘lib o‘tadigan jangda Xolmatovga WBA reytingida 8-o‘rinda borayotgan rossiyalik bokschi Andranik Grigoryan (14-0, 3KO) raqiblik qiladi.

Xolmatov professional faoliyatini 2021 yil avgust oyida boshlaganiga qaramay, qisqa muddatda 9 ta jang bilan WBA reytingida 13-o‘rinda bormoqda. Uning raqibi esa hali mag‘lubiyatga uchramagan va NABA kamari egasi hisoblanadi. Jang 12 raund etib belgilangan. Ushbu jiddiy yurishda Xolmatovga omad tilab qolamiz.
“Zamin”ni Telegramʻda oʻqing!