"UFC 271" turnirida qayd etilgan barcha natijalar bilan tanishing

AQSHning Hyuston shahrida Toshkent vaqti bilan 13 fevral tongida UFC 271 musobaqasi bo‘lib o‘tdi.

Musobaqaning asosiy jangi o‘rta vazn toifasi chempioni Israel Adesanya va divizionning 1-raqamli vakili Robert Uittaker o‘rtasida kechdi. Adesanyaning kichik ustunligida o‘tgan jangda hakamlar bir ovozdan chempionning g‘alabasini qayd etdi.

Shu tariqa Uittaker mazkur qarama-qarshilikning ikkinchi jangida ham mag‘lubiyatga uchradi. 2019 yilning oktabrida o‘tkazilgan dastlabki jangda Adesanya 2-raunddagi nokaut evaziga g‘alaba qozongandi.

Yana bir asosiy janglardan biri Tay Tuyvasa va Derrik Lyuis ishtirokida bo‘ldi. Ikkinchi raundda Tuyvasa raqibini nokautga uchratdi.

Asosiy kard
- Israel Adesanya (22-1) hakamlar qaroriga ko‘ra Robert Uittaker (23-6) ustidan g‘alaba qozondi;
- Tay Tuyvasa (14-4) ikkinchi raundda Derrik Lyuisni (26-10) nokautga uchratdi;
- Jared Kannoner (15-5) ikkinchi raunddagi texnik nokaut bilan Derek Bransonni (24-8) yengdi;
- Renato Moykano (16-4-1) ikkinchi raundda bo‘g‘ish usuli bilan Alexandro Ernandesni (13-5) taslim etdi;
- Bobbi Grin (29-12-1) ochkolar hisobiga Nasrat Haqparastdan (13-5) ustun keldi.

Prelim kard
- Andrey Orlovski ochkolar evaziga Jared Vanderani yengdi;
- Keysi O’Nill ochkolar evaziga Roksann Modafferini yutdi;
- Kayler Fillips 3-raundda sabmishen orqaili Marselo Roxoni yutdi;
- Karlos Olberg ochkolar evaziga Fabio Chernatni yengdi;

Erta prelim kard:
- Ronni Lourens ochkolar evaziga Mana Martinesni yengdi;
- Jeykob Malkun ochkolar evaziga Ey Jey Dobsonni yutdi;
- Duglas Silva 2-raundda Sergey Morozovni sabmishen orqali yutdi;
- Jeremayya Uels 1-raundda sabmishen orqali Mayk Matetani yengdi;
- Maksim Grishin ochkolar evaziga Uilyam Naytni yutdi. “Zamin”ni Telegramʻda oʻqing!