MMA turniri: Nursulton Ro‘ziboyevdan super finish va turnirning barcha natijalari (video)

Poytaxtimiz Toshkent shahrida professional MMA bo‘yicha nufuzli promoushen hisoblangan Oktagon ligasi va U1 qo‘shma turniri bo‘lib o‘tdi. Turnirda qayd etilgan barcha natijalar bilan tanishing:

Asosiy kard:
Luchiano Kontini (Braziliya) - Nursulton Ro‘ziboyev (O‘zbekiston): Ro‘ziboyev o‘zining eng sevimli usuli - kimurani qo‘llagan holda g‘alaba qozondi.

Ruslan Rustamov (Azarbayjon) - Avliyoxon Hamidov (O‘zbekiston): Hamidov 1-raundda bug‘ish usuliga tushib qoldi va muddatidan oldin imkoniyatni boy berdi.

Azamat Nuftillayev (O‘zbekiston) - Yuriy Protsenko (Ukraina): to‘liq 3 raund davom etgan bahsda durang qayd etildi.

Yerkubulan Toktar (Qozog‘iston) - Abdul Aziz Sotvoldiyev (O‘zbekiston): Sotvoldiyev 2-raundda kuchli zarba o‘tkazib yubordi va chuqur nokaut holatiga tushib qoldi.

Ilyar Asxanov (Qozog‘iston) - Muslimbek Komilov (O‘zbekiston): raqibga nisbatan passivroq harakat qilgan Komilov 3-raundda muddatidan oldin mag‘lub bo‘ldi.

Ilyor Baktiyar Uulu (Qirg‘iziston) - Farxod Davlatov (Tojikiston): jang davomida olingan jiddiy jarohat sababli Davlatov jangni davom ettira olmadi.

Faxriddin Mardiyev (O‘zbekiston) - Amir El Shanru (Misr): Mardiyev 1-raundda ustunlikka erishgan holda misrlik raqibiga ko‘plab jarohatlar yetkazdi. Shifokorlar esa El Shanriga bahsni davom ettirish uchun ruxsat bermadi.

Prelim kard:
Doston Bozorov (O‘zbekiston) - Tamerlan Kaykiyev (Qirg‘iziston): Bozorov 2-raundda ketma-ket kuchli zarbalar natijasida raqibni qiyin ahvolga solib qo‘ydi va texnik nokaut evaziga zafar quchdi.

Dilshod Yusupov (Tojikiston) - Saidatohon Nuriddinov (O‘zbekiston): 3 raund to‘liq davom etgan bahsda Saidatohon Nuriddinov hakamlar qarori bilan natijani o‘z foydasiga hal qila oldi.

O‘murbek Kanibayev (Qirg‘iziston) - Jahongir Najmiddinov (O‘zbekiston): Jahongir Najmiddinov 2-raundda muddatidan oldin g‘alaba qozondi.

Anvar Abdullayev (O‘zbekiston) - Adilet Abdivaliyev (Qirg‘iziston): to‘liq davom etgan jangda raqibiga hech qanday imkoniyat qoldirmagan Anvar Abdullayev ochkolar hisobida g‘alabaga erishdi.

Sharif Kushayev (O‘zbekiston) - Nurbek Matkabilov (Qirg‘iziston): Sharif Kushayev raqibini 1-raundda bo‘g‘ish usuli bilan mag‘lub etdi.

Sardor Xudoyberdiyev (O‘zbekiston) - Akmal Abduvaliyev (Tojikiston)

Mirsaid Saparov (O‘zbekiston) - Vladimir Permyakov (Qozog‘iston)

Suxrob Otajonov (O‘zbekiston) - Aybol Axmetov (Qozog‘iston)

Nizomiddin Isroilov (O‘zbekiston) - Salamat O‘razaxunov (Qirg‘iziston)

Qurbonali Normurodov (O‘zbekiston) - Diyorbek Ro‘ziboyev (O‘zbekiston) “Zamin” yangiliklarini “Odnoklassniki”da kuzatib boring