Ertaga, 24 fevral kuni Osiyo Kubogi-2023 saralash bahslarining final bosqichi uchun qur’a tashlash marosimi bo‘lib o‘tadi. Ma’lumki, O‘zbekiston milliy terma jamoasi JCH-2022 saralash bosqichining uchinchi raundiga chiqa olmagani bois buyog‘iga faqat Osiyo Kubogi yo‘llanmasi uchun saralash o‘yinlarida ishtirok etadi.
Osiyo Kubogi saralash bahslarining final bosqichi aslida shu yilning 29 martiga qadar o‘tkazib bo‘linishi kerak edi, biroq koronavirus pandemiyasi tufayli OFK o‘yinlarni 8-14 iyun oralig‘ida o‘tkazishni ma’qul ko‘rdi.
Saralash uchrashuvlari markazlashgan tartibda 6ta mamlakatda o‘tkaziladi. Musobaqa reglamentiga ko‘ra, 24 terma jamoa to‘rttadan 6 guruhga bo‘linadi va har bir jamoa har bir raqibiga qarshi bittadan o‘yin o‘tkazadi. Saralash bosqichi yakunlariga ko‘ra, oltita guruhdan birinchi o‘rinni egallagan 6 terma jamoa va eng yaxshi 5ta ikkinchi o‘rin egasi kelasi yil Xitoyda bo‘lib o‘tadigan Osiyo Kubogi yo‘llanmasini qo‘lga kiritadi.
Savatchalar
Terma jamoalar 24 fevral kungi FIFA reytingiga ko‘ra, savatchalarga bo‘lib chiqiladi. Shuni aytish lozim, saralash o‘yinlariga mezbon davlatlar alohida mezbon savatchadan joy olgan.
Mezbon savatcha: O‘zbekiston, Qirg‘iziston, Hindiston, Quvayt, Malayziya, Mo‘g‘uliston.
1-savatcha: Bahrayn, Iordaniya, Falastin.
2-savatcha: Tailand, Tojikiston, Filippin, Turkmaniston, Gonkong.
3-savatcha: Afg‘oniston, Yaman, Myanma, Maldiv, Indoneziya.
4-savatcha: Singapur, Nepal, Kambodja, Bangladesh, Shri Lanka.
Izoh: Mezbon mamlakatlar mezbon savatchaga joylashtirilgani bilan qur’a jarayonida reytingdagi o‘rnidan kelib chiqib boshqa savatchaga tushib qolishi mumkin.
Aytib o‘tganimizdek, barcha oltita mezbon mamlakatda o‘yinlar shu yilning 8-14 iyun oralig‘ida bo‘lib o‘tadi.
1-tur. 8 iyun
2-tur. 11 iyun
3-tur. 14 iyun
Shunisi aniqki, O‘zbekiston guruhida Qirg‘iziston, Hindiston, Quvayt, Malayziya va Mo‘g‘uliston bo‘lmaydi. Kimlar raqib bo‘lishini esa ertaga qur’adan so‘ng bilib olamiz. Qur’a tashlash marosimi Toshkent vaqti bilan 12:00da start oladi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Erdo‘g‘on Turkiya Isroil bilan aloqalarini uzganini ma’lum qildi
Immunitetni ko‘tarish uchun 6 ta eng yaxshi vitamin
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Revanshda g‘alaba qozonish uchun Tayson Fyuriga nima kerak?
Shavkat Mirziyoyev Saudiya Arabistoni energetika vazirini qabul qildi
1 dekabrdan ichimlik va oqova suv uchun to‘lov faqat elektron shaklda amalga oshiriladi
Shols «tez orada» Putin bilan gaplashishga tayyorligini ma’lum qildi
