1 484
Diyor Imomxo‘jayev: Masharipov yoniga Bozorov, Norchayev, Erkinov qo‘shilishi katta yutuq, ammo ular kech qolyapti
O‘zPFL rahbari Diyor Imomxo‘jayev OCHL birinchi turida vakillarimiz namoyish etgan o‘yinlar haqida fikr bildirdi:
"Chempionlar ligasining ilk turi klublarimiz uchun muvaffaqiyatsiz yakuniga yetdi. Biroq boshqa jamoalarda to‘p tepayotgan o‘zbekistonlik futbolchilar o‘z nomiga gol yozib qo‘ydi.
Dastlab, Aziz G‘aniyev "Shabab Al-Ahli"ni mag‘lubiyatdan qutqardi. Turkmanistonning "Ahal" klubi Amirlik jamoasi bilan durang o‘ynagani sensatsion natija. G‘aniyev 79-daqiqa penaltidan gol ura olmaganida, "Ahal" biryo‘la 3 ochkolik bo‘lishi mumkin edi.
Ertasiga, Muhammad Isayev Qatarning "Al-Rayyan" klubi darvozasiga yo‘l topdi. Ammo bu gol qo‘shnilarimizning "Istiqlol" klubiga ochko olib kelmadi. Qatarliklar 3:2 hisobida ustun keldi.
Shuningdek, Otabek Shukurov ham qarab turmadi. "Sharja"ning ishongan tog‘i qit’amizning eng kuchli jamoalaridan biri bo‘lgan "Al-Hilol" darvozasini ishg‘ol qildi. Shunga qaramay, "Sharja" baribir mag‘lub bo‘ldi — 1:2.
G‘aniyev "Nasaf", Shukurov "Mash’al" va "Bunyodkor" tarbiyalanuvchisi sifatida o‘z yo‘lini topib ketdi. Bugun "Nasaf" va "Paxtakor"da ham tezroq legionerga aylanishi lozim bo‘lgan futbolchilar bor. Ular saudiyaliklarning ko‘z o‘ngida o‘ynayotganini his qilishi kerak. Saudiya klublarida pul bor, ularning chempionati bizdagidan ikki karra kuchliroq. Masharipovning yoniga Bozorov, Norchayev yoki Erkinov qo‘shilishi katta yutuq.
Yanada yaxshiroq o‘ynasa, Turkiya yoki boshqa biror mamlakat orqali Yevropaga yo‘l ochilishi ham mumkin. Ammo o‘sha Bozorov yoki Norchayev katta futbolchiga aylanishga tobora kech qolyapti. Katta futbolchilar kechagidek o‘yinlarda jamoani tortishi kerak. Katta futbolchilar mas’uliyatni to‘liq his etishi, yo‘q joydan o‘yinning borishini o‘zgartirib yuborishi kerak. Biz kelasi turlarda "Paxtakor" va "Nasaf"ga omad tilaymiz". “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Orzudagi uy — qishda issiq, yozda salqin. Bunga qanday erishish mumkin?
Pnevmatik qurollarni o‘z ixtiyori bilan topshirganlar javobgarlikdan ozod etiladi
Jizzaxda uchta yuk mashinasi ishtirokida YTH sodir bo‘ldi
“Umra” ziyoratiga borib kelish tartibi takomillashtiriladi
Ukraina prezidenti mahbuslarni safarbar qilish to‘g‘risidagi qonunni imzoladi
Eron prezidentini olib ketayotgan vertolyot halokatga uchradi
Messining salkam 1 million dollarga sotilgan salfetkasi haqida