Yozgi transferlar mavsumida Eldor Shomurodovning bozori qaynaydigan ko‘rinadi. Chunki hujumchimizni o‘z safiga qo‘shib olmoqchi bo‘layotgan jamoalar paydo bo‘lgani haqidagi xabarlar ko‘payib boryapti.
Rossiya chempionatidan keyin kuchli beshlik ligalaridan A Seriyaga ko‘chib o‘tgan o‘zbek futbolchisi Italiyada o‘zini ko‘rsata oldi. Debyut mavsumida “Jenoa” singari hujum chizig‘i kuchsiz bo‘lgan jamoada sakkizta to‘p kiritishni uddalagan hamyurtimizni “Roma” ilib ketdi.
Joze Mourino Eldorni tanlab bir zumda yulduzga aylantirdi. Biroq, tan olish kerakki, hamyurtimizning xursandchiligi uzoqqa cho‘zilgani yo‘q. Mourino o‘zi tanlagan hujumchimizga kutilgan imkoniyatni bergani yo‘q. Asosiy tarkibdagi joyni Angliyadan kelgan yulduz Temmi Abraxamga topshirdi.
“Chelsi” asosiy tarkibga kira olmagani uchun Italiyaga yo‘l olishga majbur bo‘lgan ingliz hujumchisi berilgan imkoniyatdan juda zo‘r foydalandi. Bundan buyog‘iga tinimsiz gol urayotgan Abraxam joyini hech kimga berib qo‘ymaydi. Hatto Angliyaning “Manchester Yunayted” va “Arsenal” singari grandlaridan bo‘layotgan takliflarga ham e’tibor bermay, Mourino qo‘l ostida to‘p tepishni ma’qul ko‘rmoqda.
Eldorning “Roma” asosiy tarkibidan joy olish uchun kurashishi samarasidek ko‘rinyapti. Yevropaning boshqa klublari A Seriyada iqtidorini ko‘rsata olgan o‘zbek yigitini unutib qo‘ymagan ekan. “Sevilya”, “Frayburg”, “Leypsig”, “Xoffenxaym” qatoriga “Torino” ham qo‘shildi. Biroq, “Roma” rahbariyati Shomurodovdan boshqacha foydalanmoqchi.
Joze Mourino anchadan beri o‘z shogirdlari orasida hamyurti Gonsalu Gedeshni ko‘rishni istamoqda. Ayni paytda “Valensiya” sharafini himoya qilayotgan hujumkor futbolchining transferi kamida 40 million yevro turadi.
Italiya futbolini yoritayotgan www.footballnews24.it va www.AsRomaLive.it kabi saytlarning ma’lum qilishicha, rimliklar Gedeshning transfer summasini pasaytirish uchun Eldor Shomurodovni Ispaniya chempionati vakiliga taklif qila boshladi.
Ta’kidlash joizki, Gonsalo Gedesh xuddi Eldor singari chap qanot hujumchisi vazifasini bajarib kelmoqda. Zarur paytda markaziy va o‘ng qanot hujumchisi bo‘lib ham harakat qila oladi.
“Benfika” tarbiyalanuvchisi bo‘lgan 25 yoshli futbolchi PSJdan ham faoliyat olib borgan. Shuningdek, 2015 yildan beri Portugaliya terma jamoasi safida to‘p tepib keladi. U mamlakati bosh jamoasida shu kunga qadar 29 ta uchrashuvda qatnashib, raqiblar darvozasini olti marotaba ishg‘ol qilgan.
Gonsalu Gedesh joriy mavsumda Eldor Shomurodovga nisbatan ancha samalari natijalarni qayd etmoqda. Hujumkor futbolchi jami 34 ta uchrashuvda maydonga tushib, 2565 daqiqa harakat qildi va bu vaqt mobaynida o‘z hisobiga 13 ta gol va beshta assist rasmiylashtirdi.
Shomurodovda o‘yinlar soni Gedeshnikidan bittaga kam bo‘lsa-da, maydonda o‘tkazgan umumiy vaqti ming daqiqadan sal oshgan. Shunga qaramay, legionarimiz o‘zi to‘p tepgan barcha turnirlar – Konferensiyalar ligasi, A Seriya, Italiya kubogida nomini tablo yozdira oldi. Eldor to‘rtta gol va beshta golli pas muallifi bo‘ldi.
Shu o‘rinda, o‘z tarixida olti marotaba Ispaniya chempionligini qo‘lga kiritgan va xalqaro maydonda bir necha sovrinlar egasi bo‘lgan “Valensiya” joriy mavsumda o‘zi istagan darajadagi natijalarni qo‘lga kirita olmayotganini ta’kidlash lozim. Hozircha, valensiyaliklar musobaqa jadvalining o‘rta qismida bormoqda. Shunday bo‘lsa-da, to‘qqizinchi o‘rinda borayotgan jamoa Yevrokuboklarga chiqish uchun kurashni davom ettiryapti.
O‘z navbatida, “Valensiya”da hujumchilar muammosi borligini ham inobatga olish lozim. Ro‘yxatga kiritilgan oltita forvarddan faqat uchtasi La Ligada gol ura oldi. Urugvaylik Maksi Gomes 24 ta uchrashuvda uchta, ispaniyalik Ugo Duro 26 ta bahsda oltita va braziliyalik Markos Andre 24 ta bellashuvda bitta gol urgan xolos. Asosiy to‘purar vazifasini “Roma” olishga harakat qilayotgan Gonsalu Gedesh bajaryapti.
Demak, Eldor Shomurodov atrofidagi vaziyatni kuzatishda davom etamiz. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Pashinyan Armanistonning Mustaqillik deklaratsiyani eng katta muammo va fojia deb atadi
