980
APL. Derbida "Arsenal" "Chelsi"dan ustun keldi, «Manchester Siti» yirik hisobda g‘alaba qozondi (video)
Futbol bo‘yicha Angliya chempionatining bir qator qoldirilgan o‘yinlari 20 aprel, chorshanba kuni bo‘lib o‘tdi.
«Chelsi» 25-turning qoldirilgan o‘yinida o‘z maydonida «Arsenal»ni qabul qildi. Uchrashuvning 13-daqiqasida Edvard Nketia hisobni ochdi. 17-daqiqada Timo Verner muvozanatni tikladi. 27-daqiqada Emil Smit-Rou «kanonirlar»ni hisobda oldinga olib chiqdi. 32-daqiqada Sezar Aspilikueta hisobni tenglashtirdi.
Ikkinchi bo‘lim boshida Nketia gol urib, dublni rasmiylashtirdi. Uchrashuv yakunlanishi arafasida Bukayo Saka penaltidan unumli foydalanib, «Arsenal»ning g‘alabasini ta’minladi.
«Manchester Siti» 30-tur doirasidagi o‘yinda «Brayton» bilan bahs olib bordi va 3:0 hisobida g‘alaba qozondi. «Shaharliklar» safida Riyod Mahrez, Fil Foden va Bernardu Silva o‘z hisobiga gol yozdirib qo‘ydi.
Pep Gvardiola shogirdlari ushbu g‘alabadan so‘ng ochkolari sonini 77 taga yetkazdi va 1-o‘ringa ko‘tarilib oldi. «Brayton» 40 ochko bilan 10-pog‘onadan joy olgan. «Arsenal» 57 ochko bilan 5-o‘rinda borayotgan bo‘lsa, «aristokratlar» 62 ochko bilan 3-o‘rinni band etib turibdi.
«Chelsi» — «Arsenal» 2:4
Gollar: 0:1 – 13 Nketia, 1:1 – 17 Verner, 1:2 – 27 Smit-Rou, 2:2 – 32 Aspilikueta, 2:3 – 57 Nketia, 2:4 – 90 Saka (penalti).
«Chelsi»: Mendi, Aspilikueta, Kristensen (Tiago Silva, 46), Sarr, Jeyms, Alonso (Ziyosh, 81), Kante, Loftus-Chik, Maunt, Lukaku (Havers, 60), Verner.
«Arsenal»: Remsdeyl, Uayt, Holding, Gabriel, Nunu Tavaresh, Jaka, an-Nenni, Edegor, Smit-Rou (Soaresh, 75), Nketia (Martinelli, 70), Saka (Lyakazett, 90).
Ogohlantirishlar: Sarr (65), Maunt (84), Gabriel (90), Aspilikueta (90).
«Manchester Siti» — «Brayton» 3:0
Gollar: 1:0 – 53 Mahrez, 2:0 – 65 Foden, 3:0 – 82 Bernardu Silva.
«Manchester Siti»: Ederson, Joau Kanselu, Stounz (Zinchenko, 77), Lyaport, Ake (Ruben Diash, 46), Gundo‘g‘an, de Bryuyne (Gabriel Jezus, 83), Rodri, Bernardu Silva, Foden, Mahrez.
«Brayton»: Sanches, Lempti (Uebster, 61), Dank, Veltman, Kukurelya, March, Mak Allister, Mvepu, Kaysedo (Sarmiento, 73), Gross, Uelbek (Mope, 77).
Ogohlantirishlar: Mak Allister (79), Uebster (81), Dank (89).
«Everton» — «Lester» 1:1
Gollar: 0:1 – 5 Barns, 1:1 – 90 Risharlison.
«Nyukasl» — «Kristal Pelas» 1:0
Gol: 1:0 – 32 Almiron. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Borrel YEIning Isroil bilan muloqotini to‘xtatishni taklif qildi
Google'ning Gemini chatboti foydalanuvchiga o‘lim tiladi
