Foto: Transport vazirligi axborot xizmati
Toshkent avtovokzalidan viloyatlarga qatnovchi avtobuslarga chiptani onlayn sotib olish imkonini beruvchi UzBus mobil ilovasi ishga tushirildi. Bu haqda Transport vazirligi xabar berdi.
Mobil ilova orqali yo‘lovchilar shaharlararo qatnovlar uchun elektron chipta sotib olishi, avtobusdagi joyni tanlashi, to‘lovni istalgan bank kartasi orqali amalga oshirishi mumkin.
Shuningdek, yo‘lovchilar mobil ilova yordamida «Toshkent» avtovokzalidan amalga oshirilayotgan shaharlararo va xalqaro yo‘nalishlardagi qatnovlar jadvali bilan real vaqt rejimida tanishish imkoniyatiga ham ega.
Qayd etilishicha, UzBus mobil ilovasi orqali Buxoro – Toshkent yo‘nalishidagi avtobus qatnovlariga ham chiptani elektron shaklda sotib olish mumkin. Boshqa viloyatlardan Toshkent shahriga amalga oshiriluvchi qatnovlar uchun elektron chipta xarid qilish imkoniyati bosqichma-bosqich joriy etilishi aytilmoqda.
Toshkent avtovokzalidan Zarafshon, Zarmitan, Jo‘sh, Buxoro, Xatirchi, Uchquduq, Samarqand, Mirbozor, Qiziltepa, Qarshi, Konimex, Urganch, Uzun, Termiz, Xiva, Denov shaharlariga qatnovlar amalga oshiriladi.
UzBus mobil ilovasini Google Play orqali yuklab olish mumkin. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xonanda Ruxshona uylanmagan yigitga turmushga chiqqani haqida so‘zlab berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
22 noyabr kuni Cobalt avtomobiliga shartnoma ochilishi e’lon qilindi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Jamshid Saidov: "Yosh bolalardek o‘ynadik, raqib bizni yanchib tashladi"
