YouTube milliarddan ortiq foydalanuvchisi borligiga qaramay haligacha foyda keltirmayotgani ma’lum bo‘ldi

Oyiga milliarddan ortiq tashrifchini o‘ziga jalb qiluvchi dunyodagi eng yirik videoxosting YouTube haligacha o‘z xo‘jayini Google’ga foyda keltirmayapti, deb xabar bermoqda «Vedomosti».

Wall Street Journal ma’lumotlariga ko‘ra, YouTube 2013 yilda 3 milliard, 2014 yilda 4 milliard dollar daromad olgan. Bu Google’ning umumiy daromadining 6 foizini tashkil qilgan, biroq YouTube hali foyda keltirmagan. Hozircha ushbu xizmat ziyonsizlik holatida turibdi.

Bu holatdan chiqish maqsadida YouTube o‘zining asosiy auditoriyasi − o‘smirlardan tashqariga chiqishga harakat qilyapti. Qayd etilishicha, foydalanuvchilar YouTube’ga asosan o‘z fayllarini saqlash uchun xosting sifatida qaraydi, kompaniya mutaxassislari esa uni o‘ziga xos televideniega aylantirishni istaydi.

Manba: www.daryo.uz “Zamin”ni Telegramʻda oʻqing!