Apple kompaniyasi eng katta MacBook Air’ni taqdim etdi

Amerikaning Apple kompaniyasi yangilangan MacBook Air kompyuterini taqdim etdi. Taqdimot WWDC 2023 koʻrgazmasi doirasida boʻlib oʻtdi, uning videoyozuvi korporatsiya veb-saytida mavjud.

Yangi MacBook 15,3 dyuymli displeyga ega, displeyning yuqori qismida old kamera uchun kesik joy mavjud. Bu tarixdagi Air liniyasidagi eng katta noutbuk. Qurilma alyuminiy korpusga ega boʻlib, toʻrtta rangda ishlab chiqariladi. Korpusning yon tomonlarida ikkita USB-C ulagichi va MagSafe magnit zaryadlash ulagichi bor.

MacBook Air 15 ARM Apple M2 protsessorini oldi. Noutbuk iyun oyi oʻrtalarida sotuvga chiqariladi va narxi 1299 dollardan boshlanadi.

Apple shuningdek, Mac Studio ixcham kompyuterini ham yangiladi. Kompaniya dizaynni oʻzgartirmadi va faqat xususiyatlarini yangiladi - endi Mac Studio M2 Max va yangi M2 Ultra protsessori bilan chiqariladi. Ikkinchisi 20 yadroli grafik protsessorga ega va Apple kompaniyasining eng kuchli chipi hisoblanadi.

Шухрат Раззаков

«ZAMIN.UZ» muharriri