Yangi o‘quv yilidan e’tiboran «Kundalik.com» endi o‘z faoliyatini «e.maktab.uz» sifatida davom ettiradi.
Yangi platformaning afzalliklari qanday? Mazkur savolga Maktabgacha va maktab ta’limi vazirligi Axborot kommunikatsiyalarini joriy etish va raqamlashtirish bo‘limi yetakchi mutaxassisi Arslonbek Rahmonqulov javob berdi.
— "Yangi, e.maktab.uz platformasiga o‘tilishiga asosiy sabab shuki, bizga juda ko‘p murojaatlar bo‘ldi: Kundalik.com domeni chetda saqlanadimi? O‘zimizda emasmi, degan mazmundagi. Shundan kelib chiqib, biz o‘zimizning platformani joriy qildik. Boshida bu faqat elektron kundalik va elektron jurnalni o‘z ichiga olgan edi. Hozir yanada takomillashtiryapmiz, yanada qulayliklar yartilmoqda. Bu tizimni joriy etishdan asosiy maqsad shaffoflikni oshirish, o‘qituvchilarni ortiqcha qog‘ozbozlikdan ozod etish va o‘quvchilarning ta’lim jarayonlariga ota-onlarni ham jalb qilishdir", – deydi mutaxassis.
Kundalik.com, e.maktab.uz, yangi platforma, o‘quvchilar “Zamin” yangiliklarini “Odnoklassniki”da kuzatib boring
