Foto: Merkator Xolding
Rossiya poytaxti Moskvada ko‘cha tozalovchi ishchilar o‘rniga robotlardan foydalanish boshlandi. 12 ta haydovchisiz tozalash mashinasi ko‘cha supurish uchun ishga chiqdi. Qurilmalar deyarli bir yil davomida sinab ko‘rilgan. Bu haqda «Kommersant» yozdi.
Mini traktor «Piksel» deb nomlangan. U Moskvaning «Avtonomika» kompaniyasi tomonidan ishlab chiqilgan.
«Piksel», xususan, Wi-Fi modullari, GPS va GLONASS navigatsiya tizimlari, ultratovush sensorlari va kameralar bilan jihozlangan. U avtonom harakatlanishi yoki Microsoft Xbox konsolidagi joystik yordamida masofadan boshqarilishi mumkin.
Uskuna cho‘tka, maysa o‘rgich, suv purkagich, qor tozalagich va muzga qarshi reagent purkagich bilan jihozlangan. «Piksel» ko‘cha tozalovchi ishchilarni almashtirishga qodirligi ta’kidlanmoqda.
«Piksel» juda qimmat, taxminan 15 million rubl (≈2 mlrd so‘m) turadi. Qayd qilinishicha, robotlar bir necha parklarda ish boshlagan. Ular odam va jonivorlar uchun xavfsiz, ularga yaqinlashganida to‘xtab qolishi aytilmoqda.
Robot-supuruvchi inson o‘rnini bosishi ta’kidlansa-da, ba’zi mutaxassilar bunga shubha bilan qaramoqda. Chunki, farroshlik kasbi murakkab, hududni tozalash, qorni qayerga tashlash va hokazolar haqida tushuncha va bilimga ega bo‘lishni talab qiladi. Tor joylarda esa mashina odamning o‘rnini bosa olmaydi.
«Piksel» roboti ikkita elektromotor bilan jihozlangan. Litiy-ion batareyalar bilan quvvatlanadi, u kuniga 16 soatgacha harakatlana olishi mumkin.
Ko‘cha tozalovchi robotlar allaqachon yirik shaharlarda sinovdan o‘tkazilgan. 2023 yilda Pekin maxsus avtonom zonasida avtobus asosida yaratilgan maxsus robot sinovdan o‘tkazildi. Ammo u hech qachon ommaviy foydalanishgacha yetib bormadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Saudiya Arabistoni bilan yana qator sohalarda hamkorlik o‘rnatilishi kutilmoqda
Diniy qo‘mita: Turli vizalar bilan Haj amallarini bajarishning imkoni yo‘q
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Liga 1. PSJ muddatidan oldin chempionlikni hal qildi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
O‘zbekistonga qarshi Indoneziyaning asosiy hujumchilaridan biri maydonga tusha olmaydi
O‘zbekistonda yashirin iqtisodiyotga qarshi kurashish rejalari ishlab chiqildi