16:14 / 28.09.2016
6 878

Facebook At Work tarmog‘i keyingi oyda ishga tushirilishi mumkin

Facebook At Work tarmog‘i keyingi oyda ishga tushirilishi mumkin

Yirik ijtimoiy tarmoq keyingi oyda tashkilotlar uchun mo‘ljallangan Facebook At Work versiyasini ishga tushirishi mumkin. Ushbu yangi versiya orqali Facebook ish jarayonini ijtimoiy tarmoqda bo‘lgani singari yanada qiziqarli etish maqsadida, deb yozmoqda "Terabayt.uz" sayti.

Manbada berilgan ma’lumotga ko‘ra, Facebook’ning yangi At Work versiyasidan foydalanish uchun tashkilotlar emas, balki muayyan xodimlar oylik obuna haqini to‘laydilar. Bu orqali ijtimoiy tarmoq ham har bitta xodimni (tarmoqdan foydalanishidan qat’iy nazar) xizmatda ro‘yxatdan o‘tkazish muammosidan xalos bo‘ladi.

Facebook At Work tarmog‘ida xodimlar maxsus postlar yordamida o‘zaro fikr almashishi va vazifalarni belgilashi mumkin bo‘ladi. Hozirda Convo ($9/bir oyga), Salesforce Chatter ($15/bir oyga) va Microsoft’s Yammer ($3-$24/bir oyga) kabi servislar xuddi mana shunday vazifasini dunyo bo‘ylab bajarib kelishmoqda. Bundan tashqari, Facebook At Work tarmog‘ida o‘zaro guruhli chatlardan va qo‘ng‘iroqlardan foydalanish imkoniyatini beradigan Messenger analogi ham ko‘zda tutilgan.

Hozircha Facebook At Work tarmog‘idan foydalanish bo‘yicha oylik obuna narxi ma’lum emas. Biroq kompaniya mazkur servisning beta versiyasini sinovdan o‘tkazgan dasturchilarga alohida chegirma berishni rejalashtirgan.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Texno » Facebook At Work tarmog‘i keyingi oyda ishga tushirilishi mumkin