Apple CarPlay xatolarini tuzatdi

Apple tomonidan chiqarilgan iOS 18.4 yangilanishidan so‘ng CarPlay foydalanuvchilari bir qator texnik muammolarga duch keldi, deb pepelac.news xabar berdi.

Aloqa uzilishi, ovoz balandligidagi nosozliklar va tizimning ishdan chiqishi CarPlay’ni ishlatib bo‘lmas holatga keltirdi. Ayrimlar iPhone avtomobilga ulanmay qolganini bildirgan.

Apple iOS 18.4.1 yangilanishini chiqarib, «ba’zi avtomobillarda simsiz CarPlay ishlashiga to‘sqinlik qilayotgan kam uchraydigan muammo»ni bartaraf etdi. Yangilanish foydalanuvchilar tomonidan ijobiy qabul qilindi.

Shunga qaramay, hatto simli CarPlay ham ba’zida iPhone’ni tanimasdan muammo tug‘dirdi. Buni hal qilish uchun telefonni bir necha marta uzib-ulanganda ishlashga tushgan. Apple iloji boricha tezroq yangilanishni o‘rnatishni tavsiya qilmoqda. “Zamin”ni Telegramʻda oʻqing!