Android Auto 14.3 yangilanishi chiqdi

Google Android Auto dasturining 14.3 versiyasini barcha foydalanuvchilar uchun chiqardi, deb pepelac.news xabar berdi. Ushbu yangilanish tizim barqarorligi va ishlash samaradorligini oshirishga qaratilgan. Interfeysda katta o‘zgarishlar ko‘rinmasa-da, beta-kod tahlili Android Auto'ga to‘g‘ridan-to‘g‘ri konditsionerni boshqarish funksiyasi ustida ishlar ketayotganini ko‘rsatmoqda.

Bu funksiya ayniqsa, fizik harorat boshqaruv tugmalari yo‘q mashinalar uchun foydali bo‘ladi. Android Auto interfeysida havo sovutish va o‘rindiqni isitish boshqaruvlari paydo bo‘lib, haydovchilarga avtomobil ichidagi dasturlarga o‘tish zaruratini yo‘q qiladi.

Bundan tashqari, Google Android Auto'ni yanada funksional qilish maqsadida yangi ilovalar turlariga ruxsat bera boshladi — endi avtomobilda o‘yinlar ham o‘ynash mumkin. Buning uchun Android 15 tizimiga ega smartfon va Android Auto 14.0 yoki undan yuqori versiyasi talab etiladi.

Hozirda Candy Crush va Angry Birds kabi bir nechta o‘yinlar qo‘llab-quvvatlanmoqda, va o‘yin sifati mashinaning displey xususiyatlariga bog‘liq bo‘ladi.

Avtomatik yangilanishni kutmasdan, foydalanuvchilar Google Play orqali qo‘lda tekshirishi mumkin. Android Auto 14.3 butun dunyo bo‘ylab tarqatilmoqda va avtomobil multimedia tizimini yanada qulayroq qilishni va'da qilmoqda. “Zamin”ni Telegramʻda oʻqing!