Realtek 10 Gbit/s tezlikni arzonlashtirdi — yangi davr boshlandi

Realtek kompaniyasi 10 Gbit/s tezlikni qo‘llab-quvvatlaydigan bir nechta yangi tarmoq kontrollerlarini e’lon qildi, deb yozmoqda VGTimes. Bu chiplar yuqori tezlikdagi tarmoqlarni keng ommaga taqdim etishni maqsad qilgan.

Asosiy model — RTL8127, 10 Mbit/s dan 10 Gbit/s gacha bo‘lgan tezlikni qo‘llab-quvvatlaydi va 2 vattdan kam energiya sarflaydi. RTL8159 modeli esa USB 3.2 Gen 2x2 orqali ishlaydi va 10 Gbit/s tezlikni taklif etadi — bu noutbuklar va sloti yo‘q qurilmalar uchun qulay.

Optik aloqa uchun RTL8127ATF modeli mavjud bo‘lib, faqat 1 vatt atrofida energiya ishlatadi.

Realtek, shuningdek, 10 Gbit/s PHY-chip ham yaratgan bo‘lib, u SFP+-RJ45 adapterlar, routerni, va kommutatorlarni arzonlashtiradi. Ilgari bu turdagi komponentlar qimmat bo‘lganligi sababli ommalashmagan edi.

Yangi kontrollerlarning narxi $50 (taxminan 4 mln so‘m) atrofida bo‘lishi kutilmoqda. 10 Gbit/s portga ega anakartlar yil oxirigacha taqdim etiladi, alohida adapterlar esa 4-chorakda sotuvga chiqariladi.

Mutaxassislar fikricha, bu Realtek mahsulotlari uy va ofis sharoitida 10 Gbit/s tarmoqqa o‘tishni tezlashtiradi. Ayniqsa bulutli xizmatlar va 8K video oqimlarining ommalashuvi fonida bu dolzarb bo‘lib bormoqda.

“Zamin”ni Telegramʻda oʻqing!