19:51 / 19.03.2015
6 235

Apple va boshqa IT kompaniyalari Boeing sun’iy yo‘ldoshlarini sotib olmoqchi

Apple va boshqa IT kompaniyalari Boeing sun’iy yo‘ldoshlarini sotib olmoqchi
Boeing vakillarining bergan bayonotiga ko‘ra, Apple, Google, Amazon, Facebook singari internet gigantlari kompaniyaning sun’iy yo‘ldoshlariga ega bo‘lish niyatini bildirgan. Aviasion va kosmik texnika ishlab chiqaruvchisi yil oxiriga qadar ulardan biri bilan shartnoma imzolashga umid qilmoqda.

Hamkorlik natijasi o‘laroq butun dunyoda internetdan foydalanishni kengaytirishga xizmat qiladigan yuqori quvvatga ega sun’iy yo‘ldosh yaratilishi rejalashtirilmoqda.

Ma’lumki, Google va Facebook ko‘pdan buyon dunyoning eng chekka hududlarigacha internet tarmog‘ini etkazib borishga qaratilgan loyihalar ustida ishlamoqda. Jumladan, yaqinda Google Elon Maskning SpaceX kompaniyasiga investisiya kiritib, internet tarmog‘ini kengaytirish uchun 4 000 dona kichik yo‘ldoshlarni quyi orbitaga olib chiqish loyihasiga mablag‘ ajratgan edi. Apple esa bunday texnologiyadan o‘z mahsulotlariga navigasion va lokasion xizmatlar qo‘shishda foydalanishi mumkin. Sun’iy yo‘ldoshning ishlab chiqilishi bu muammolarni uzil-kesil hal qilib beradi.

Shu bilan birga, sun’iy yo‘ldosh ishlab chiqarish hamda uni geostasionar orbitaga olib chiqishga ketadigan xarajatlarni ko‘tarish uchun hatto tilga olingan gigant korporasiyalarning daromadi kamlik qilishi mumkin. Shu bois ular bu loyihani hamkorlikda amalga oshirish yo‘lidan bormoqda.
Loyihaga uyali aloqa kompaniyalari ham qiziqish bildirishi kutilmoqda, negaki u mobil xizmatlar turlarini va imkoniyatlarini kengaytirishga yordam beradi.

Manba: www.kun.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Texnologiya » Apple va boshqa IT kompaniyalari Boeing sun’iy yo‘ldoshlarini sotib olmoqchi
[/banner_pushhouse