Uber AQShda ayollar uchun yangi xavfsizlik imkoniyatini joriy qiladi

Uber olti yil avval Saudiya Arabistonida ayol haydovchilarga faqat ayol yo‘lovchilarni tanlash imkoniyatini beruvchi funksiyani joriy qilgan edi, deb TechCrunch xabar berdi. Shundan so‘ng, bu “ayollar afzalligi” funksiyasi 40 ta mamlakatga, jumladan, Argentina, Braziliya, Kanada, Hindiston va Meksikaga yoyildi. Yaqin haftalarda ushbu funksiya AQShda ham sinov tariqasida ishga tushadi va dastlab Detroit, Los-Anjeles va San-Fransiskoda joriy etiladi.

Yangi funksiya orqali ayol yo‘lovchilar ilova orqali safar uchun ayol haydovchini tanlash imkoniyatiga ega bo‘ladi. Agar bu tanlovda kutish vaqti uzoq cho‘zilsa, yo‘lovchi boshqa variantni tanlashi mumkin. Ayol haydovchilar esa ilova orqali “ayol yo‘lovchi afzalligi”ni yoqib qo‘yishlari mumkin.

Uber va Lyft kabi xizmatlar xavfsizlik masalasi bilan bir necha yil davomida kurashib kelmoqda. 2021-2022 yillarda Uber’da 36 ta jismoniy zo‘ravonlik holati qayd etilgan, ayollar xavfsizligini oshirish uchun bir qator yangi funksiyalar joriy qilindi. Shu bilan birga, Uber ayol haydovchilar sonini oshirishga intilmoqda va “ayollar afzalligi” funksiyasi ikki tomon uchun ham qulaylik yaratishi kutilmoqda. “Zamin”ni Telegramʻda oʻqing!