11 dekabr – Morze alifbosida birinchi qit’alararo signal yuborilgan sana

1901 yilning 11 dekabr sanasida muhandis Gulelmo Markoni Morze alifbosi orqali boshqa qit’aga birinchi signalni jo‘natishga muvaffaq bo‘ladi. Bu signal, yirik ko‘lamli hisoblanmasa-da, bir qit’adan boshqa qit’aga yuborilgan ilk aloqa bo‘lgan. Markoni Kornuoll grafligidan (Buyuk Britaniya) Nyufaundlendga (Kanada) faqat inglizcha S harfidan iborat bitta signal translasiya qilgan edi, xolos. Markoni tomonidan signal jo‘natish uchun barpo etilgan balandligi 150 metr bo‘lgan antenna, aytish kerak, kuchli shamollarga ham qiyinchilik bilan dosh bergan.

Gulelmo Markoni loyihasi asosida Titanik kemasi uchun yaratilgan radioapparatura

Gulelmo Markoni loyihasi asosida, jumladan, mashhur Titanik kemasi uchun ham radioapparatura yaratilgan. Afsuski, ushbu radio yordamida radistlar SOS signali o‘rniga ko‘pchilikka ma’lum bo‘lmagan CQD signali yuborishadi, bu esa kemadagi odamlarning qutqarish ishlari kechikishiga olib keoadi. “Zamin” yangiliklarini “Odnoklassniki”da kuzatib boring