OpenAI rahbari Sem Altman GPT-5 modelining ishga tushirilishidagi qiyinchiliklar haqida fikr bildirdi, deb TechCrunch.com xabar berdi. Uning aytishicha, foydalanuvchilardan kelgan fikrlar va texnik muammolar sabab kompaniya ayrim qadamlarni qayta ko‘rib chiqmoqda.
Altman ma’lum qilishicha, GPT-4o modeli qayta ishga tushiriladi, chunki ayrim foydalanuvchilar uning ba’zi funksiyalarini GPT-5’ga qaraganda afzal ko‘rgan.
Shuningdek, u “grafik xatosi” deb nomlangan holat haqida ham to‘xtaldi — GPT-5 taqdimotidagi ma’lumot chizmalari noto‘g‘ri talqin qilingani tan olindi.
Altman ta’kidlashicha, maqsad — barcha modellarni muvozanatli rivojlantirish va foydalanuvchilarga eng yaxshi tajribani taqdim etish.
U, GPT-5 hozircha juda kuchli imkoniyatlarga ega bo‘lsa-da, foydalanuvchi fikriga asoslangan holda doimiy ravishda yangilanib borishini qo‘shimcha qildi.
“Zamin”ni Telegramʻda oʻqing!
