OpenAI Hindistonda arzon ChatGPT obunasini joriy qildi

OpenAI Hindiston bozori uchun oyiga 5 dollardan kam narxda ChatGPT obuna rejasini yo‘lga qo‘ydi, deb TechCrunch xabar berdi. Yangi tarif mamlakatda ko‘proq foydalanuvchilarni qamrab olishga qaratilgan.

Kompaniyaning ta’kidlashicha, arzon obuna varianti orqali yoshlar, talabalar va startaplar sun’iy intellektdan kengroq foydalana oladi. Bu esa AI texnologiyalaridan samarali foydalanish imkoniyatini oshiradi.

Shu bilan birga, OpenAI o‘z xizmatlarini mahalliy bozor sharoiti va to‘lov imkoniyatlariga moslashtirayotgani qayd etildi. Yangi tarif yaqin vaqt ichida barchaga ochiq bo‘lishi kutilmoqda.