Instagram 25 ijodkorni oltin uzuk bilan taqdirlaydi

Instagram foto-video platformasi o‘z ijodkorlarini qo‘llab-quvvatlashning yangi bosqichini e’lon qildi: servis 25 nafar eng yaxshi kontent muallifini maxsus mukofot bilan taqdirlaydi. Tanlovda moda va vizajdan tortib sport hamda ko‘ngilochar kontentgacha — keng yo‘nalishlarda ijod qiladigan akkauntlar ishtirok etadi, deb yozdi The Hollywood Reporter.

Sovrindorlarga ingliz modeleri Greys Uels Bonner tomonidan maxsus ishlangan eksklyuziv uzuk taqdim etiladi. Shuningdek, g‘oliblarning profilida avatar va Stories atrofida “oltin uzuk”ga o‘xshash vizual belgi paydo bo‘lib, ularning maqomi va yutug‘ini ajratib ko‘rsatadi.

Instagram’ning aytishicha, laureatlar ro‘yxati 2026-yilda ma’lum qilinadi. Tanlov mezonlari haqida qo‘shimcha tafsilotlar keyinroq bayon etilishi kutilsa-da, raqamli maydondagi ta’sir, original g‘oyalar va jamoaga qo‘shilgan hissa kabi omillar ustuvor bo‘lishi taxmin qilinmoqda.

Qisqasi, platforma eng ilhombaxsh kontent yaratuvchilarni namoyon etib, ularning mehnatini ham moddiy, ham simvolik tarzda qadrlamoqchi. Ijodkorlar uchun yangi motivatsiya, muxlislar uchun esa sevimli akkauntlarini yanada tezroq tanish imkoni!