Toshkent viloyatining ayrim hududlarida Ucell’ning aloqa sifati yomonlashdi

Toshkent viloyatining alohida hududlarida 26 aprel, yakshanba kuni Ucell mobil aloqa operatori xizmatidan foydalanib bo‘lmay qoldi. Bu haqda 12news.uz'ga asoslanib Kun.uz xabar bermoqda.

Xususan, Zangiota tumanining Ko‘ksaroy qishlog‘ida 26 aprel kuni soat 6:00dan 15:45gacha ushbu kompaniya abonentlari aloqaga chiqa olishmagan. Shuningdek, Ucell Internet xizmatida ham nosozliklar kuzatilgan.

Mahalliy aholining fikricha, Toshkent viloyatidagi mobil aloqa sifati tunda esgan kuchli shamol sabab yomonlashgan. “Zamin”ni Telegramʻda oʻqing!