
Need For Speed o‘yinining navbatdagi versiyasi 2018 yilning mart oyigacha taqdim etilishi haqida Electronics Arts kompaniyasi investorlarni ogohlantirdi, deb yozmoqda Terabayt.
Electronics Arts bosh direktori Endryu Uilsonning qayd etishicha, yangi Need For Speed ko‘p foydalanuvchilar tomonidan o‘ynalishi mumkin bo‘lgan poyga elementlariga kuchliroq urg‘u beriladi.
Yangi o‘yinning hozirda Electronic Arts — EA Spearhead koreys studiyasi yaratayotgan Need for Speed: Edge versiyasiga hech qanday aloqasi yo‘q. Need for Speed: Edge bepul onlayn rejimidagi o‘yin bo‘lib, Need for Speed Rivals komponentlari asosida tayyorlanmoqda.
2015 yilda chiqarilgan Need For Speed versiyasi garchi yaxshi tyuning, har xil formatdagi avtomobillar va chiroyli grafikaga ega bo‘lsa-da, sun’iy intellekt va multipleer rejimi borasida oqsar edi. Shu bois kompaniya mazkur kamchiliklarni bartaraf etishi uchun yangi versiyaning ustida jiddiy ishlashiga to‘g‘ri keladi.
Need For Speed’ning keyingi qismi mashhur seriyadagi 23 o‘yin bo‘lishi kutilmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar