Google qidiruv tizimi 13 may kuni o‘zining bosh sahifasida daniyalik seysmolog Inge Lemann tavallud kunining 127 yilligiga bag‘ishlangan animasiyalangan tasvirni joylashtirdi, deb yozadi Kun.uz.
Google’ning yangi dudlida o‘rtasidan qoq ikkiga bo‘lingan Er sayyorasi va ular o‘rtasida joylashgan Er yadrosi tasvirlangan (dudl - bayram kunlari, mashhur insonlarning tavallud kuni, Olimpiya o‘yinlari kabi yirik voqealar paytida Google o‘zining rasmiy logotipini almashtiradigan tasvirlar, animasiyalar va kichik o‘yinlar).
Gap shundaki, Inge Lemann 1936 yilda olamshumul kashfiyotni amalga oshirgan, ya’ni u Tinch okeanining janubiy qismidagi zilzilardan tarqaladigan seysmik to‘lqinlarni o‘rganish negizida sayyoramizning ichki yadrosi borligini aniqlagan.
Daniyalik geofizik, seysmolog olima va London Qirollik jamiyati o‘qituvchisi bo‘lgan Lemann o‘zining butun ilmiy faoliyati davomida o‘zining ulkan yutuqlari uchun ko‘plab mukofotlar bilan taqdirlangan. 1997 yilda AQSh geofizika ittifoqi Inge Lemann sharafiga “Er mantiyasi va yadrosining tuzilishi, tarkibi va dinamikasini tushunish uchun qo‘shgan ulkan hissasi uchun” medalini ta’sis etdi.
Olima 1993 yil 21 fevralda o‘zining ona shahri Kopengagenda vafot etgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Italiyaning Sardiniya orolida uylar 1 yevrodan sotilmoqda, lekin...
