Fevral oyi oxirida AQSH Mudofaa vazirligi Anthropic kompaniyasiga Claude tizimiga to'liq kirish huquqini berish bo'yicha bosim o'tkazdi, biroq kompaniya bu taklifni rad etdi. Oradan bir necha soat o'tgach, Sem Altman OpenAI kompaniyasining Pentagon bilan hamkorlik qilishini e'lon qildi.
Bu yangilikdan so'ng raqamlar keskin o'zgardi: ChatGPT ilovasini o'chirib tashlash ko'rsatkichi 295 foizga, salbiy sharhlar esa 775 foizga oshdi. Shu bilan birga, ilovani yuklab olishlar soni 13 foizga kamaydi. Buning fonida Claude kuniga 40–50 foizlik o'sish qayd etib, yuklab olishlar bo'yicha ilk bor ChatGPT ni ortda qoldirdi va Amerika App Store do'konida birinchi o'rinni egalladi.
Ilgari Claude asosan mutaxassislar tomonidan ishlatilgan bo'lsa, endilikda u keng omma orasida eng ommabop ilovaga aylandi.
