Google kompaniyasi uzoq kutilgan Aluminium OS operatsion tizimini 2026-yilda chiqarishni rejalashtirmoqda. Avvalroq tarqalgan mish-mishlarda tizim 2028-yilga qadar kechikishi aytilgan edi, biroq MWC 2026 ko'rgazmasida Android ekotizimi prezidenti Samir Samat bu ma'lumotlarni rad etdi. Yangi platforma Android va Chrome OS imkoniyatlarini o'zida mujassam etishi kutilmoqda. Bu haqda rozetked.me xabar beradi.
Mutaxassislarning fikricha, Google noutbuklar bozoriga alohida e'tibor qaratmoqda. Sun'iy intellekt texnologiyalarining rivojlanishi kompyuterlardan foydalanish tajribasini tubdan o'zgartirmoqda. Aluminium OS aynan shu o'zgarishlarga moslashgan holda, foydalanuvchilarga yanada qulaylik yaratishni maqsad qilgan. Hozircha tizimning rasmiy nomi ma'lum emas, chunki "Aluminium OS" shunchaki ishchi nom hisoblanadi.
Yangi tizimning asosiy ustunligi smartfon va noutbuklar o'rtasidagi uzluksiz bog'liqlik bo'ladi. Apple ekotizimidagi "Handoff" funksiyasiga o'xshash imkoniyat Android qurilmalarida ham paydo bo'ladi. Bu foydalanuvchilarga bir qurilmada boshlagan ishini ikkinchisida hech qanday qiyinchiliksiz davom ettirish imkonini beradi. Garchi Chrome OS bozorda 2034-yilgacha qolsa-da, Google kelajakda barcha resurslarni yangi platformaga yo'naltirishi kutilmoqda.
[video]https://vk.com/video_ext.php?oid=-29218811&id=456248584[/video] “Zamin”ni Telegramʻda oʻqing!
