Honor smartfonlariga DeepSeek V4 sun'iy intellekti o'rnatildi
"Honor" kompaniyasi "Yoyo" ovozli assistentiga yangi avlod sun'iy intellekti — "DeepSeek V4" modelini qo'shdi. Ushbu texnologiya bilan jihozlangan "Yoyo" dunyodagi birinchi Android-agentga aylandi. Hozirda yangilanish faqat Xitoy bozoridagi qurilmalarda mavjud bo'lib, foydalanuvchilar "MagicOS 8.0" va undan yuqori tizimlarda "DeepSeek V4"ni faollashtirishlari mumkin. "DeepSeek" yaqinda "Pro" va "Flash" versiyalarini taqdim etdi, "Pro" versiyasi esa ochiq kodli modellar orasida "Google Gemini-Pro-3.1"dan ortda qolmoqda.
"Honor" kompaniyasi o'zining "Yoyo" ovozli assistentiga yangi avlod sun'iy intellekti — "DeepSeek V4" modelini integratsiya qilganini e'lon qildi. Mazkur texnologiya bilan jihozlangan "Yoyo" ushbu turdagi imkoniyatga ega bo'lgan dunyodagi birinchi Android-agentga aylandi. Bu haqda Ixbt.com xabar beradi.
Hozircha ushbu yangilanish faqat Xitoy bozori uchun mo'ljallangan qurilmalarda ishlamoqda.
Kompaniya tomonidan taqdim etilgan rasmiy tizerda "DeepSeek V4 Pro" modeli tilga olingan bo'lib, u o'ta kuchli intellektual tizimni yaratishga xizmat qilishi ta'kidlangan. Yangi funksiya "Yoyo AI Agent" ilovasining 90.10.28.041 versiyasida paydo bo'ladi.
Tizimni yangilagan foydalanuvchilar "MagicOS 8.0" va undan yuqori operatsion tizimda ishlovchi qurilmalarda ushbu texnologiyadan foydalanishlari mumkin.
Foydalanuvchilar sun'iy intellektni yoqish uchun quvvat tugmasini bosib turishlari va maxsus bo'lim orqali "DeepSeek V4"ni faollashtirishlari lozim. Ma'lumot o'rnida aytish joizki, "DeepSeek" yaqinda o'zining V4 modelini ikki xil ko'rinishda — kuchli "Pro" va tejamkor "Flash" versiyalarida taqdim etgan edi.
Sinov natijalariga ko'ra, "Pro" versiyasi ochiq kodli modellar orasida faqat "Google Gemini-Pro-3.1"dan ortda qolmoqda.
Izohlar 0
…