"Casio" kompaniyasi G-Shock liniyasidagi yangi Mudmaster GWG-B1000MG-1A9 modelini taqdim etdi. Qurilma brendning Yaponiya saytida paydo bo'ldi va 143 ming iyen (taxminan 910 dollar) narxida oldindan buyurtma qilish uchun ochiq. Bu haqda Ixbt.com xabar beradi.
Yetkazib berish oy oxirida boshlanadi.
Siferblat magmani eslatuvchi qizil-to'q sariq ranglarda ishlangan, metall elementlar esa tilla rangli qoplamaga ega. Qatronli tasma tog'' jinslari qatlamlariga o'xshatib yasalgan.
Korpus va bezel qisman bioplastikdan tayyorlangan bo'lib, bu uning zarba, loy va suvdan himoyasiga ta'sir qilmagan.
Model yo'nalish, balandlik, bosim va harorat datchiklari bilan jihozlangan. U quyosh energiyasida ishlaydi va radio signal orqali vaqtni sinxronlashtirishni qo'llab-quvvatlaydi.
Soatni Bluetooth orqali Casio Watches ilovasiga ulash mumkin.
Kompaniya ma'lumotlariga ko'ra, to'liq quvvat quyosh nurisiz odatiy foydalanishda taxminan olti oyga yetadi. Quvvatni tejash rejimida esa bu ko'rsatkich ikki yilgacha borishi mumkin.
Shuningdek, tirnalishga chidamli sapfir oyna va qorong'ida ko'rish imkonini beruvchi ikkilangan LED yoritgich mavjud.
“Zamin”ni Telegramʻda oʻqing!
