"Air France" aviakompaniyasi o'z samolyotlarini sun'iy yo'ldosh navigatsiyasi xalaqitlaridan himoya qilish uchun bir necha million yevro sarflamoqchi. Tashuvchi yaqin uch yil ichida flotining bir qismini GPS signallarini o'chirish va almashtirishga chidamlilikni oshiradigan uskunalar bilan jihozlashni rejalashtirmoqda. Bu haqda Ixbt.com xabar beradi.
Modernizatsiya birinchi navbatda "Airbus A350" va "Boeing 777" samolyotlariga ta'sir qiladi. Dastlabki 14 ta A350 layneri 2026 yil oxiridan 2027 yil boshigacha "Collins Aerospace" kompaniyasining MMR qabul qiluvchilari bilan jihozlanadi.
Shundan so'ng kompaniyadagi barcha 60 ta "Boeing 777" samolyotiga xuddi shunday uskunalar o'rnatiladi.
Bu jarayon 2027 yilda yakunlanishi kutilmoqda. "Air France"ning yangi samolyotlari esa to'g'ridan-to'g'ri ushbu tizim bilan yetkazib beriladi.
Qaror ayniqsa Yevropa va Osiyo yo'nalishlarida GPS ishlashining buzilishi holatlari ko'paygani bilan bog'liq.
Aviakompaniya yangi tizim uchuvchilarga tushadigan yuklamani kamaytirishiga ishonch bildirmoqda. Shuningdek, navigatsiya aniqligi oshib, signal beqaror bo'lishi yoki ataylab bostirilishi mumkin bo'lgan hududlarda xavflar kamayadi.
Kelajakda ushbu uskunani yanada modernizatsiya qilish imkoniyati mavjud.
“Zamin”ni Telegramʻda oʻqing!
