Olti oylik beta-sinovlardan so‘ng, Samsung kompaniyasi One UI 8.5 yangilanishini rasman e’lon qildi. Yangi dasturiy ta’minot birinchi bo‘lib Janubiy Koreyadagi Galaxy S25, Galaxy Z Fold7 va Galaxy Z Flip7 foydalanuvchilari uchun taqdim etildi. Bu haqda Ixbt.com xabar beradi.
Kompaniya ma’lumotlariga ko‘ra, global tarqatish jarayoni 11-maydan boshlanadi. Yangilanish bosqichma-bosqich amalga oshiriladi va dastlab Yevropa, Gonkong, Hindiston, Lotin Amerikasi, Shimoliy Amerika, Janubi-Sharqiy Osiyo hamda Tayvan hududlaridagi foydalanuvchilarga yetib boradi.
Birinchi to‘lqinda 2024-yilda va undan keyin chiqarilgan flagman qurilmalar, jumladan, Galaxy S25 turkumi, Galaxy S24 seriyasi, Galaxy Z Fold6, Z Flip6 hamda Galaxy Tab S10 va Tab S11 planshetlari yangilanishni qabul qiladi. Samsung hozircha to‘liq ro‘yxatni oshkor etmagan bo‘lsa-da, kelgusida Galaxy A56, A55 va A36 kabi o‘rta darajadagi modellar ham yangi tizimga o‘tishini tasdiqladi.
Shuningdek, Samsung yaqinda Galaxy S26 dizayniga o‘xshash bo‘lgan arzon narxdagi Galaxy A27 smartfonini chiqarishini ham ma’lum qildi. Yangilanish foydalanuvchilarga tizim barqarorligi va yangi funksiyalardan foydalanish imkonini beradi.
“Zamin”ni Telegramʻda oʻqing!
