Rossiya Armanistonga uzoq muddatli energiya xavfsizligini taʼminlovchi AES loyihasini taklif qildi
Rossiya Armanistonga mamlakatning energiya ehtiyojlarini bir asr davomida qoplay oladigan yangi atom elektr stansiyasini qurish loyihasini taqdim etdi. Bu haqda Rossiya TIV rasmiy vakili Mixail Kalugin ma'lum qildi. "Rosatom" korporatsiyasi taklif qilgan mazkur loyiha amalga oshsa, Armaniston elektr energiyasi taqchilligidan qutulib, arzon tariflar va sanoat rivojiga erishadi.
Rossiya tomoni Armanistonga mamlakatning energiya ehtiyojlarini bir asr davomida toʻliq qoplay oladigan quvvatli atom elektr stansiyasi (AES) qurish loyihasini taklif qildi. Bu haqda Rossiya TIV MDH mamlakatlari toʻrtinchi departamenti direktori Mixail Kalugin maʼlum qildi. Bu haqda Ixbt.com xabar beradi.
«Rosatom» davlat korporatsiyasi tomonidan ilgari surilgan ushbu loyiha amalga oshirilsa, Armaniston oʻnlab yillar, hatto bir asr davomida elektr energiyasi taqchilligidan xoli boʻladi. Mutaxassislarning fikricha, mazkur stansiya isteʼmolchilar uchun arzon tariflarni taʼminlab, mamlakat sanoatining jadal rivojlanishiga kuchli turtki berishi mumkin.
Kalugin Rossiya atom texnologiyalari sohasida global yetakchi sifatida Armaniston bilan oʻz tajribasi va ishlanmalarini, shuningdek, energetikani raqamlashtirish boʻyicha texnologiyalarni boʻlishishga tayyorligini taʼkidladi. Rossiya tomoni Yerevanni oʻzaro manfaatli hamkorlikka chaqirmoqda.
Rossiya diplomatining soʻzlariga koʻra, bunday hamkorlik modeli ikki davlat ishtirok etayotgan Yevroosiyo iqtisodiy ittifoqi (YeOII), MDH va KXShT kabi tashkilotlar doirasidagi oʻzaro munosabatlarning asosiy tamoyilidir.
Izohlar 0
…