Yaponiyaning Xokkaydo oroli qishloqlarida gʻayritabiiy “qoʻriqchilar” — qizil koʻzli, sunʼiy moʻynali va qoʻrqinchli tovushlar chiqaradigan mexanik boʻrilar paydo boʻldi. Ohta Seiki kompaniyasi tomonidan ishlab chiqilgan Monster Wolf robotlari dastlab qishloq xoʻjaligi yerlarini himoya qilish uchun yaratilgan boʻlsa-da, hozirda mamlakatdagi ayiqlar bilan bogʻliq keskin vaziyat tufayli ularga talab keskin oshdi. Bu haqda Ixbt.com xabar beradi.
Robot infraqizil datchiklar yordamida harakatni sezadi va 50 dan ortiq turli tovushlarni, jumladan, boʻri uvillashi yoki inson ovozini bir kilometrgacha masofaga eshittira oladi. 2026-yilda buyurtmalar soni 50 tadan oshib ketdi, bu esa ishlab chiqarish quvvatidan ancha yuqori. Yaponiya Atrof-muhit vazirligi maʼlumotlariga koʻra, joriy yilda ayiqlar hujumi oqibatida 13 kishi halok boʻlgan va 230 dan ortiq odam jarohat olgan.
Monster Wolf qurilmalari aeroportlar, maktablar va supermarketlar yaqinida ham oʻrnatilmoqda. Ohta Seiki endilikda hududlarni patrul qiluvchi gʻildirakli robotlar va hayvon turini aniqlab, mos ravishda tovush tanlaydigan sunʼiy intellekt (AI) kameralarini ishlab chiqish ustida ishlamoqda.
Ushbu texnologiya robototexnika, datchiklar va mashinali tahlil algoritmlarini birlashtirgan “fizik AI” yoʻnalishining yorqin namunasidir. Yaponiya yirik kompaniyalar gumanoid robotlar ustida ishlayotgan bir paytda, sunʼiy intellektni yovvoyi tabiat bilan bogʻliq real muammolarni hal qilishda samarali qoʻllamoqda.
“Zamin”ni Telegramʻda oʻqing!
