Red Magic kompaniyasi o‘zining flagman smartfoni Red Magic 11S Pro taqdimoti doirasida Red Magic Cooler 8 Pro sovutish tizimining yangi maxsus versiyasini namoyish etdi. Flower Sea Limited Edition deb nomlangan ushbu qurilma professional kibersportchi Xua Xay bilan hamkorlikda ishlab chiqilgan. Bu haqda Ixbt.com xabar beradi.
Yangi sovutgich 1640 kv. mm maydonga ega yirik modul va daqiqasiga 6500 martagacha aylanadigan kuchli ventilyator bilan jihozlangan. Qurilma nafaqat Android smartfonlari, balki iPhone 17 Pro va Pro Max modellari bilan ham bemalol foydalanish uchun mo‘ljallangan.
Texnik imkoniyatlariga ko‘ra, tizim smartfon haroratini 25 °C gacha pasaytirishga qodir. Hatto qurilma 80 °C gacha qizigan taqdirda ham samarali sovutishni ta’minlaydi va ish jarayonida atigi 36 dB shovqin darajasini saqlab qoladi.
Qurilma o‘yin jarayonida qizib ketishning oldini olish uchun maxsus qisqich va strimerlar uchun mo‘ljallangan stendga o‘rnatish imkoniyatiga ega. Hozirgi kunda ushbu aksessuar 239 yuan narxida sotuvga chiqarilgan.
“Zamin”ni Telegramʻda oʻqing!
