Kaliforniya sudi hakamlar hay’ati Elon Muskning OpenAI asoschilari Sam Altman va Greg Brockman hamda Microsoft kompaniyasiga qarshi da’vosini rad etdi. Hakamlar bir ovozdan Muskning sudga murojaat qilish muddati o‘tib ketganini ta’kidlashdi. Bu haqda Techcrunch.com xabar beradi.
Elon Musk OpenAI kompaniyasini xayriya tashkiloti maqomini suiiste’mol qilishda va foyda ko‘rishga yo‘naltirilgan tuzilmaga aylantirishda ayblagan edi. Biroq sud jarayonida da’vogar keltirgan dalillar va huquqiy asoslar hakamlarni ishontira olmadi.
Sudya Yvonne Gonzalez Rogers hakamlar hay’atining qarorini qo‘llab-quvvatlab, da’voni rad etish uchun yetarli asoslar mavjudligini bildirdi. Ushbu qaror OpenAI uchun kompaniyaning IPO (birlamchi ommaviy taklif) jarayoni oldidan yuzaga kelishi mumkin bo‘lgan jiddiy xavflarni bartaraf etdi.
Sud yakunidan so‘ng, Elon Muskning advokati Marc Toberoff ushbu qaror ustidan apellyatsiya shikoyati berilishini ma’lum qildi. Mazkur mojaro Silicon Valley tarixidagi eng shov-shuvli sud jarayonlaridan biriga aylandi.
“Zamin”ni Telegramʻda oʻqing!
