May oyining ikkinchi toʻlin oyi — "moviy" Oy deb ataluvchi hodisani shu dam olish kunlari maxsus asboblarsiz ham kuzatish mumkin boʻladi. Mutaxassis Yevgeniy Burmistrovning soʻzlariga koʻra, ushbu davrda Yer yoʻldoshi oʻz orbitasining eng uzoq nuqtasidan oʻtadi. Bu haqda Ixbt.com xabar beradi.
Shu sababli, Oy diski odatdagidan 5-5,5 foizga kichikroq va 10,5 foizga xiraroq koʻrinadi. Yorqinlikning biroz pasayishiga qaramay, tungi yoritqichni oddiy koʻz bilan ham koʻrish mumkin. Binokldan foydalanish esa Oyning yirik qorongʻu tekisliklari — dengizlar va kraterlarni batafsilroq tomosha qilish imkonini beradi.
Ekspert toʻlin oy fazasida teleskopdan foydalanmaslikni tavsiya qiladi. Chunki bu vaqtda Quyosh nurlari Oy yuzasiga deyarli vertikal tushadi, natijada soyalar hosil boʻlmaydi va relyef tekis hamda ifodasiz koʻrinadi. Shuningdek, teleskopdagi haddan tashqari yorqinlik koʻzga noqulaylik tugʻdirishi mumkin.
"Moviy" Oyni kuzatish uchun eng qulay sharoitlar 30-maydan 31-mayga hamda 31-maydan 1-iyunga oʻtar kechasi kutilmoqda. Astronomiya ishqibozlari uchun bu yilning eng qiziqarli osmon hodisalaridan biri boʻlishi vaʼda qilinmoqda.
“Zamin”ni Telegramʻda oʻqing!
