Rostex davlat korporatsiyasi robototexnika va sanoat uskunalari uchun moʻljallangan yangi mahalliy protsessor modulini namoyish etdi. E2C3-COM deb nomlangan ushbu platforma rasman Rossiya mahsuloti maqomini oldi va u asosan avtomatlashtirish hamda bort tizimlariga yoʻnaltirilgan. Bu haqda Ixbt.com xabar beradi.
“Rosel” xoldingi maʼlumotlariga koʻra, ushbu qurilma sanoat avtomatizatsiyasi, aloqa uskunalari va muhandislik yechimlarida qoʻllanilishi mumkin boʻlgan bir platalı sanoat kompyuteridir. Tizimning asosi sifatida Rossiyaning Elbrus-2S3 protsessori tanlangan.
Modulning oʻziga xosligi shundaki, bitta platada hisoblash yadrosi, periferik interfeys kontrollerlari, videokontroller va tezkor xotira birlashtirilgan. Oʻrnatilgan grafik yadro tizimni maʼlumotlarni vizuallashtirish, sanoat panellari va boshqaruv majmualarida samarali qoʻllash imkonini beradi.
Ishlab chiqaruvchining taʼkidlashicha, protsessor, xotira va quvvat tizimining muvozanatli arxitekturasi barqaror ishlash va energiya samaradorligini taʼminlaydi. Qurilma mahalliy operatsion tizimda ishlashi sababli, uni oʻta muhim infratuzilma va sanoat loyihalarida xavfsiz ishlatish mumkin.
“Zamin”ni Telegramʻda oʻqing!
