Digital Chat Station insayderining xabar berishicha, Vivo kompaniyasi hozirda eski smartfon modellari uchun akkumulyatorlarni almashtirish xizmatini yoʻlga qoʻyish imkoniyatlarini oʻrganmoqda. Ushbu tashabbus doirasida foydalanuvchilar oʻz qurilmalaridagi eski batareyalarni yangi Blue Ocean texnologiyasi asosidagi quvvat elementlariga almashtirishlari mumkin boʻladi. Bu haqda Ixbt.com xabar beradi.
Eng qiziqarli jihati shundaki, yangi akkumulyatorlarning sigʻimi original elementlarga qaraganda 500 dan 1500 mAs gacha koʻproq boʻlishi kutilmoqda. Bu esa eski smartfonlarning avtonom ishlash vaqtini sezilarli darajada oshirib, ularga ikkinchi hayot bagʻishlaydi.
Ekspertlarning fikricha, xotira chiplari narxi oshib borayotgan va smartfonlardan foydalanish muddati uzayayotgan bir paytda, ishlab chiqaruvchilar uchun nafaqat yangi modellarni chiqarish, balki sotilgan qurilmalarning xizmat muddatini uzaytirish ham muhim strategik yoʻnalishga aylanmoqda. Bu kabi servis xizmatlari bozordagi raqobatning yangi bosqichi boʻlishi mumkin.
Avvalroq Xiaomi ham shunga oʻxshash dasturni Xiaomi 13 seriyasi uchun ishga tushirgan edi. Masalan, Xiaomi 13 modelining batareyasi 4500 dan 4850 mAs gacha, Xiaomi 13 Ultra modeliniki esa 5000 dan 5500 mAs gacha oshirilgan. Vivo ham ushbu tajribani kengroq miqyosda qoʻllashni rejalashtirmoqda.
“Zamin”ni Telegramʻda oʻqing!
