“Rosatom” mutaxassislari MSC-230 tibbiy oʻta oʻtkazuvchan siklotroni uchun moʻljallangan magnitoprovodni (elektromagnit) muvaffaqiyatli ishlab chiqdi va sinovdan oʻtkazdi. Ushbu qurilma siklotronning eng muhim tarkibiy qismlaridan biri hisoblanadi. Bu haqda Ixbt.com xabar beradi.
MSC-230 qurilmasining ishga tushirilishi Rossiyada protonli flesh-terapiyani amalga oshirish imkonini beradi. Bu nurlanish terapiyasining zamonaviy usuli boʻlib, unda oʻta yuqori dozadagi nurlanish oʻsimtaga juda tez va yuqori aniqlikda yetkazib beriladi.
Yangi texnologiya davolash samaradorligini oshirish bilan birga, oʻsimta atrofidagi sogʻlom toʻqimalarning shikastlanishini sezilarli darajada kamaytiradi. Bu saraton kasalligiga qarshi kurashda muhim qadamdir.
Geometrik aniqlik va yuqori boʻyinturuqni koʻtarish tizimining ishlashi boʻyicha oʻtkazilgan sinovlar magnitoprovodning barcha muhim parametrlarini tasdiqladi. Xususan, sektorlar orasidagi zarur masofa va ularning parallelligi belgilangan meʼyorlarga toʻliq javob bergan.
“Rosatom” instituti NIIEFA direktori Kirill Smirnovning taʼkidlashicha, ushbu yutuq chiziqli tezlatkichlar va siklotronlar texnologiyasida yangi bosqichni boshlab beradi.
“Zamin”ni Telegramʻda oʻqing!
