SpaceX kompaniyasi koinotni oʻzlashtirishda yangi rekord oʻrnatdi: 31-may kuni Vandenberg kosmodromidan 2026-yildagi 50-chi Starlink missiyasi muvaffaqiyatli amalga oshirildi. Falcon 9 raketasi orbitaga yana 24 ta sunʼiy yoʻldoshni olib chiqdi va joriy yilda koinotga yuborilgan qurilmalarning umumiy soni taxminan 1375 taga yetdi. Bu haqda Ixbt.com xabar beradi.
Kompaniya oʻz ish surʼatini sezilarli darajada oshirib, har uch kunda bitta Starlink missiyasini uchirishga erishmoqda. Bu koʻrsatkich 2025-yildagiga qaraganda ancha yuqori hisoblanadi. Bunday intensivlik tufayli orbitadagi faol Starlink sunʼiy yoʻldoshlarining umumiy soni allaqachon 10 mingdan oshib ketdi.
Starlink loyihasi sayyoramizning eng chekka nuqtalarini ham yuqori tezlikdagi internet bilan taʼminlash imkonini beradi. Dengiz kemalari, samolyotlar va ilgari barqaror aloqa boʻlmagan qishloqlar endilikda sifatli tarmoqqa ulanish imkoniyatiga ega boʻlmoqda.
Yaqinda United Airlines aviakompaniyasi oʻz samolyotlarida Starlink internetini keng koʻlamda joriy etishini eʼlon qildi. Bundan tashqari, Starlink Yevropada mobil sunʼiy yoʻldosh spektri boʻyicha oʻtkaziladigan savdolarda ishtirok etish huquqini qoʻlga kiritishi kutilmoqda.
“Zamin”ni Telegramʻda oʻqing!
