Bir necha oy ilgari inqirozga yuz tutib, faoliyatiga yakun yasagan Buyuk Britaniyaning Vertu kompaniyasi shu kunlarda telefonlarini kimoshdi savdosiga qo‘ymoqda. Bu brend hashamdor va ziynatlangan qimmat telefonlari bilan nom qozongan.
Vertu ishlab chiqargan telefonlarni ko‘pchilik tutmagan. Boisi, ularning eng arzoni ham bir necha ming dollarga tushgan. Misol uchun, Vertu Signiature Touch tutish istagida bo‘lgan boyvachcha buning uchun roppa-rosa $10,000 dollarni bahridan o‘tishi kerak bo‘lgan.
Eng qizig‘i, 2014 yilda Vertu "hamyonbop" turkumni sotuvga chiqargan edi. Bu turkumga kiruvchi Vertu Aster $6,000 dollardan sotilgan. To‘g‘ri, bugungi smartfonlar bilan solishtirib ko‘rganda, o‘z davrida funksional jihatdan imkoniyati cheklangan bu telefonlar kimlar uchundir maqtanchoqlik yoki nufuz vositasi bo‘lgan. Biroq, bugun odamlarga haqiqiy texnologiya kerak. Tilla va kumush esa o‘z yo‘liga.
Kimoshdi savdosiga qo‘yilgan Signature turkumidagi telefonlardan birini bezash uchun 18 karat oltin sarflangan hamda timsoh terisi tortilgan. U bir vaqtlar $19,000 dollardan sotilgan. Hozir esa uning auksiondagi boshlang‘ich bahosi $1,500 dollar.
Shuningdek, Vertu faoliyatini boshlaganidan tortib, shu kungacha ishlab chiqargan mahsulotlari o‘rin olgan telefonlar muzeyini ham sotuvga qo‘ymoqda. Bu jamlanmadan 105 ta dong‘i ketgan telefon modellari o‘rin olgan. Ulardan ba’zilari namuna, ba’zilari ishlab chiqarilgan modellar. Bu to‘plamning boshlang‘ich bahosi $26,000 dollar.
Auksionda, shuningdek buqa ustida Vertu logotipini ko‘tarib turgan odamning bronza haykali ham sotuvga qo‘yilgan. Uning boshlang‘ich bahosi $1,000 dollar.
Manba: Terabayt.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
20 yoshli o‘zbekistonlik qizni qarindoshi Turkiyaga sotib yubordi
Ayrim boshqaruv servis kompaniyalari shartnomalarida asossiz shartlar belgilangani aniqlandi
Pashinyan Armanistonning Mustaqillik deklaratsiyani eng katta muammo va fojia deb atadi
Har qanday katta yoshdagi kishi yetuk emas
Jo Bayden: “Ba’zan xotinim meni kosmosga jo‘natish bilan tahdid qiladi”
Shols va Putin o‘rtasidagi suhbat Kiyevga signal bo‘ldi
Kreml Ukraina bo‘yicha muzokarada shartlar qo‘yishga urinmoqda
